Inicio Pontevedra Louriña A violencia de xénero no ámbito da educación e no colectivo de...

A violencia de xénero no ámbito da educación e no colectivo de persoas con discapacidade centrou a mesa celebrada en Mos

A violencia de xénero no ámbito da educación e no colectivo de persoas con discapacidade centrou a mesa celebrada en MosA necesidade dun protocolo de actuación para casos concretos e da formación constante do persoal especializado neste tema foron outros dos puntos clave abordados esta mañá

Esta mañá celebrouse no Pazo de Mos a Mesa local contra a violencia de xénero na que participaron o Secretario territorial da Xunta de Galicia en Pontevedra, Ramón Pereiro Santín, a alcaldesa de Mos, Nidia Arévalo, a concelleira de Política Social, Sara
Cebreiro, a Xefa do departamento de Violencia de Xénero da Subdelegación do Goberno en Pontevedra, Manuela Vilaboy Romero, representantes da Garda Civil entre os que se atopaba o sarxento Juan Antonio López, representantes da Policía Local de Mos entre os que se atopaba o xefe da Policía, Gerardo Álvarez, a directora da Casa de Acollida de Vigo, Elena Molanés, representación do IES de Mos e do CEIP de Petelos, representantes do Centro de Saúde de Mos, representantes de EVD Galicia, representantes de AEMOS, o equipo de traballadoras do departamento municipal de Política Social e o equipo de traballadoras do CIM de Mos.

Desta mesa de traballo, a primeira na que participa representación da comunidade educativa mosense a través do IES e do Colexio de Petelos –algo que se considera importantísimo dende o Centro de Información á Muller de Mos- surxiu a decisión de crear outras dúas sub-mesas de traballo moi especializadas á vez que necesarias. Unha é unha mesa centrada no traballo cos centros educativos de Mos na que se integren tanto o Instituto como os demais centros e na que participen tanto dirección como profesorado, orientadores e ANPAs. E a outra é unha mesa centrada na creación dun protocolo específico a seguir nun caso de violencia de xénero que estableza os pasos e pautas a seguir en todo momento.

Ademais hoxe abordouse tamén a necesidade da constante formación do persoal profesional que traballa habitualmente con casos de violencia de xénero. Deste xeito acordouse a solicitude, a través de diferentes administracións, do acceso a diversas accións formativas en materias xurídica e psicolóxica para as traballadoras do CIM de Mos.

Tamén en materia de formación decidiuse, por último, emprender iniciativas educacionais sobre violencia de xénero e discapacidade para tratar de previr, paliar e erradicar as situacións de violencia sobre o colectivo das persoas con discapacidade.

- Publicidade -

ÚLTIMA REVISTA

+ VISTOS

SÍGUENOS

693FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies