Inicio Galicia A Unión Europea aproba a protección de 9 espazos mariños españois como...

A Unión Europea aproba a protección de 9 espazos mariños españois como Lugares de Importancia Comunitaria (LIC) da Rede Natura 2000

a-union-europea-aproba-a-proteccion-de-9-espazos-marinos-espanois-como-lugares-de-importancia-comunitaria-lic-da-rede-natura-2000Desde o pasado mes de decembro, 9 espazos mariños resultantes do proxecto INDEMARES e propostos por España como Lugares de Importancia Comunitaria (LIC), están incluídos nas listas biogeográficas dos LIC da Unión Europea, publicadas no Diario Oficial da Unión Europea.

O proxecto Life + INDEMARES, desenvolvido en España entre os anos 2009 e 2014, permitiu a identificación, e a proposta do Ministerio de Agricultura, Alimentación e Medio Ambiente á Comisión Europea, de 9 Lugares de Importancia Comunitaria (LIC) e 39 Zonas de Especial Protección para as Aves (ZEPA). En conxunto, estes espazos achegan máis de 7 millóns de hectáreas á Rede Natura 2000 española, multiplicando por 8 a superficie mariña protexida.

Do 9 LIC aprobados, 6 pertencen á rexión biogeográfica mediterránea: Volcáns de lodo do Golfo de Cádiz, Sistema de canóns submarinos occidentais do Golfo de Léon, Canal de Menorca, Sur de Almería – Seco de los Olivos, Espacio marino de Illes Columbretes e Espacio marino de Alborán. Outros 2 inclúense na rexión biogeográfica atlántica: Banco de Galicia e Sistema de canóns submarinos de Avilés, e 1 na rexión biogeográfica macaronésica: Banco da Concepción.

Este 9 LIC integraranse na Rede de Áreas Mariñas Protexidas de España (RAMPE).

Queda pendente a aprobación da última proposta de LIC ‘Espacio marino do oriente e sur de Lanzarote-Forteventura’ pertencente tamén á rexión macaronésica, que se prevé será o décimo LIC incluído na próxima rolda de actualizacións das listas da UE este ano.

REDE DE AREAS MARIÑAS PROTEXIDAS DE ESPAÑA

O pasado día 21 de xaneiro de 2016 publicouse no Boletín Oficial do Estado a Resolución da Dirección Xeral de Sustentabilidade da Costa e do Mar, do Ministerio de Agricultura, Alimentación e Medio Ambiente, pola que se integran na Rede de Áreas Mariñas Protexidas de España as zonas de especial protección para as aves mariñas da Rede Natura 2000, entre as que se atopan as 39 ZEPAS de INDEMARES xunto con outras 7 ZEPAS declaradas anteriormente pola Generalitat Valenciana.

Estas actuacións veñen confirmar o firme compromiso do Ministerio de Agricultura, Alimentación e Medio Ambiente co cumprimento das obrigacións derivadas da normativa comunitaria e o seu propio ordenamento xurídico sobre conservación da natureza e protección do medio mariño. Así mesmo, contribúese a alcanzar o obxectivo marcado polo Convenio sobre a Diversidade Biolóxica de designar como espazos protexidos polo menos un 10% dos mares e océanos do planeta.

Máis información sobre estes espazos dispoñible na páxina web do Ministerio:

http://www.magrama.gob.es/es/costas/temas/proteccion-medio-marino/biodiversidad-marina/espacios-marinos-protegidos/default.aspx

- Publicidade -

ÚLTIMA REVISTA

+ VISTOS

SÍGUENOS

680FansGóstame
284SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies