Inicio Galicia A Real Academia Galega celebrará o vindeiro 17 de maio en Xinzo...

A Real Academia Galega celebrará o vindeiro 17 de maio en Xinzo de Limia

A sesión extraordinaria co gallo do Día das Letras Galegas dedicado a Carlos Casares terá lugar no salón de plenos municipal da vila onde medrou

A Real Academia Galega celebrará o vindeiro 17 de maio en Xinzo de Limia, a vila onde medrou Carlos Casares, o protagonista do Día das Letras Galegas deste ano. A sesión extraordinaria da institución dedicada ao escritor terá lugar no salón de plenos do concello a partir das 11:30 horas e contará con intervencións arredor da figura homenaxeada a cargo da académica Fina Casalderrey e dos académicos Henrique Monteagudo e Xesús Alonso Montero.

O programa inclúe as alocucións da académica Fina Casalderrey e dos académicos Henrique Monteagudo e Xesús Alonso Montero. O presidente da RAG, Víctor F. Freixanes, pechará o acto

O presidente da Real Academia Galega, Víctor F. Freixanes, será o encargado de pechar o acto, que poderá seguirse en directo a través da pantalla instalada na carpa que se montará na praza Carlos Casares.

Nado en 1941 na cidade de Ourense, Carlos Casares marchou a vivir con só catro anos a Xinzo de Limia, a vila da que seu pai era natural, e onde este exerceu como mestre durante décadas. A comarca da Limia deixou unha importante pegada na súa vida, reflectida na súa obra literaria.

O territorio da súa infancia e adolescencia foi o elixido para o acto central da Real Academia Galega neste ano dedicado á súa figura no que a institución tamén desenvolverá outras iniciativas noutros escenarios destacados da súa traxectoria. A RAG abriu en febreiro o Ano Carlos Casares coa presentación do proxecto web Primavera das Letras no CEIP Carlos Casares de Vilariño (Nigrán), onde estableceu o seu fogar, e a finais de ano celebrará un simposio sobre o autor.

- Publicidade -

ÚLTIMA REVISTA

+ VISTOS

SÍGUENOS

693FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies