A Orquestra Vigo 430 celebra o seu 10º Aniversario cun evento único e imprescindible

A Orquestra Vigo 430 celebra o seu 10º Aniversario cun evento único e imprescindibleO próximo 14 de decembro ás 20 h30 no Teatro Afundación de Vigo conmemorarase o 10º Aniversario da formación sinfónica cunha solista tan transgresora e orixinal como é a pianista turca Ayşedeniz Gökçin e a estrea da súa “ Symphonic Aysedeniz: a rock journey for piano and orchestra”, un concerto que constitúe unha perfecta simbiose entre a música clásica e pop-rock.

Será un evento único: primeira vez de Aysedeniz en España, e primeira vez que leva a cabo este tipo de arranxos para orquestra de temas de bandas tan coñecidas como Coldplay, Muse, ou Pink Floyd entre outros. Un proxecto no que a nova artista leva traballando máis dun ano xunto ao director Carlos Rodríguez, quen ademais estivo nomeado este ano nos Hollywood Music in Media Awards 2018 na categoría de Mellor Banda Sonora en Curtametraxe.

Como novidade, ademais da retransmisión vía streaming a través da plataforma dixital Tolemias, haberá un importante atopo-coloquio coa artista e o director o mércores día 12 ás 21h no Vitruvia Café, onde música e conversación fusionaranse nunha contorna moi coidada.

SOBRE A OV430

A sección sinfónica da Orquestra Vigo 430 foi creada hai agora 10 anos nacida nun principio como unha pequena orquestra de cámara, e aínda que nolos seus inicios xa estaba prevista a evolución cara a unha formación sinfónica, nunca se pensou que esta se produciría tan pronto. En palabras do director artístico e impulsor da OV430, Javier Escobar, “Era unha idea que levaba xestando desde a miña estancia na Nova Orquestra Nacional de España, e pareceume un modelo ideal para levar a cabo un traballo de calidade”.

Acolleuse o reto con entusiasmo e os bos resultados cultivados durante a primeira experiencia sinfónica abonaron o terreo para continuar polo bo camiño, grazas tamén ao apoio incondicional do Concello de Vigo, abordando cada vez repertorios máis ambiciosos e colaborando cada vez máis con grandes solistas como Bonnie Tyler, Paquito D’Rivera, Anna Fedorova, ou David Grimal, entre outros, atraídos pola versatilidade, calidade e frescura dunha formación profesional moza, con biorritmos moi diferentes ás “orquestras clásicas”.

Actualmente conta cun 70% de músicos galegos, combinados co resto de España e do estranxeiro, entre os que destaca a afluencia de músicos de Portugal, así como un crecemento constante en cantidade e calidade na programación de cada tempada. Nesta última, ademais, coa importante incorporación da pianista e xestora musical tudense Andrea González no posto de Directora Técnica.

Please follow and like us:
Tags:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies