A mostra ´Peregrino e Novo Apóstolo. San Francisco no Camiño de Santiago´ vai clausurar este domingo, 24 de agosto, cun éxito rotundo. Máis de 30.000 persoas visitaron xa a exposición dende a súa apertura o día 20 de xuño.
Esta mostra supuxo o primeiro acto conmemorarivo do VIII Centenario da Peregrinación de San Francisco de Asís a Santiago, coa súa inauguración na cidade italiana no Palacio Bonaquisti en agosto do pasado ano, onde recibiu preto de 7.000 visitantes.
A exposición rexistra máis de 30.000 visitas nestes dous meses.
A exposición está concebida para visibilizar a herdanza franciscana que pervive en Compostela e que evoca o espírito peregrino das cidades de Santiago de Compostela e Asís. O legado franciscano no camiño de Santiago, tanto nas localidades da ruta como na propia Compostela, así como a súa contribución ao reforzo da infraestrutura da hospitalidade e ao sentido de peregrinación espiritual occidental son as mensaxes que se transmiten con este proxecto expositivo.
O gran atractivo das obras de arte de primeiro nivel que se recollen na exposición -como cadros de El Greco e Zurbarán, esculturas de Salzillo, Xosé Ferreiro e Salvador Carmona- está a espertar gran interese entre os visitantes. No discurso expositivo figuran pezas medievais da época do santo, procedentes de Inglaterra, Francia, Italia, Terra Santa, Al Andalus e Galicia. Son obras de escultura, ouriveiría, restos de arquitecturas, telas, instrumentos musicais, relicarios, incunables das bibliotecas franciscanas.
A mostra achega á figura de San Francisco de Asís e ao legado franciscano no Camiño de Santiago, así como a súa contribución ao reforzo da infraestrutura da hospitalidade e ao sentido da peregrinación espiritual occidental.
Trátase dun conxunto de pezas relacionadas con San Francisco e a peregrinación a Santiago, comprendidas na súa maioría entre os séculos XII e XVIII, moitas delas da época do santo e outras que forman parte do seu legado histórico e espiritual.
A exposición Peregrino e novo Apóstolo. San Francisco no Camiño de Santiago articúlase nunha serie de capítulos, a través dos que se evoca a memoria do Santo; a imaxe do mundo na época de San Francisco –Occidente, o Islam e Terra Santa-, a busca da transcendencia que leva a peregrinar a Compostela, a presenza das ordes mendicantes no Camiño de Santiago e o legado franciscano nas cidades da Ruta a Compostela.
A gran calidade das pezas que compoñen a mostra é o gran reclamo para visibilizar a herdanza franciscana que pervive en Compostela e que evoca o espírito peregrino das cidades de Santiago de Compostela e Asís. A exposición pode visitarse entre as 11 da mañá e as 14 horas e tamén entre as cinco e as nove da tarde.
Os visitantes poden admirar obras de arte de primeiro nivel como cadros de El Greco e Zurbarán, esculturas de Salzillo, Xosé Ferreiro e Salvador Carmona.
O VIII Centenario da Peregrinación de San Francisco de Asís a Santiago é un acontecemento que conta coa declaración de Especial Interese Público e celébrase en Galicia dende mediados de 2013 ata mediados de 2015. Un dos eventos máis destacados enmarcados nesta conmemoración, ademais da mostra Peregrino e Novo Apóstolo. San Francisco no Camiño de Santiago é tamén a exposición On the Road que se pode ver no Pazo de Xelmírez.
Ademais Santiago acollerá con motivo desta efeméride o I Congreso Internacional de Peregrinacións e Turismo e máis o I Cumio de Asociacións de Amigos do Camiño, que se celebrarán en setembro de 2014 e maio de 2015, respectivamente.
FOTOS. Turgalicia.
