Amplíase así a posibilidade de visitas guiadas á exposición por parte do público en xeral, escolares, reservas para grupos, e colectivos con necesidades específicas
O luns 19 de decembro tivo lugar a última reunión en 2022 do Padroado da Fundación MARCO, que, entre outros asuntos de relevancia, fixo balance do ano que finaliza, e aprobou a programación de exposicións prevista para 2023, que o Museo difundirá proximamente.
Entre outras novidades, confirmouse a extensión da mostra de Francisco Leiro, que se prolonga ata o 26 de febreiro de 2023. Ademais do interese do público en xeral, ábrese así a posibilidade de novas reservas para visitas e obradoiros en torno á exposición, dirixidas a escolares, asociacións e colectivos con necesidades específica