A LIX Festa da Lamprea e o Xeodestino Condado Paradanta tamén estiveron en Fitur

A LIX Festa da Lamprea e o Xeodestino Condado Paradanta tamén estiveron en Fitur

“Recomendar Galicia, os pobos da Ruta da Lamprea e o Xeodestino Condado Paradanta e tamén Arbo non é recomendar unha viaxe máis. É recomendar unha viaxe ao reecuentro con sensacións inesquecibles que pasan por atoparse a un mesmo e as súas orixes, reflexionar e gozar”, así comezou Horacio Gil, alcalde de Arbo, o seu discurso no marco da presentación do Xeodestino Condado Paradanta na caseta de Turgalicia na feira.

Unha presentación na que Gil destacou a importancia da unión entre dez municipios da zona que distribúe geograficamente os recursos e a oferta turística para optimizar a súa posta en valor en base ás singularidades dos territorios, recoñecendo as áreas máis consolidadas e promocionando as menos desenvoltas cara a comercializalas e facelas máis accesibles. O obxectivo deste acordo é situar a esta comarca como enclave turístico de referencia.

O alcalde realizou un percorrido polas diferentes festas de interese turístico nacional que ten o novo xeodestino, como son a procesión do Corpus en Ponteareas ou as afamadas romarías da Virxe da Franqueira da Cañiza. Ou no plano gastronómico a festa do Requeixo e o Mel de As neves, a do Churrasco de Covelo ou a festa do Veu Condado de Salvaterra do Miño.

Na presentación tamén gozou de gran protagonismo a LIX Festa da Lamprea de Arbo, que celebra xa a súa 58 edición. Gil convidou os asistentes a visitar Arbo os días 26, 27 e 28 de abril para gozar de “unha oportunidade única para descubrir en todo o seu esplendor a lamprea, Arbo, os seus costumes e as súas xentes. Os seus cociñeiros e cociñeiras son creadores da receita que pasou de xeración en xeración ao longo da historia”. Engadiu tamén o rexedor a posibilidade de gozar da lamprea fóra de tempada “partir da lamprea seca ofrecemos outras elaboracións. Por exemplo, rechea, guisada con fideos e tirabeques, frita, asada á brasa, en empanada… Unha forma de facer turismo que fará que quen veña a vernos sentan como na casa, porque Arbo é como unha gran familia, onde ao que chega, sexa a unha mesa dun restaurante ou a un dos nosos aloxamentos, trátaselle como uno máis, con proximidade, agarimo e hospitalidade”.
El éxito desta gran cita reflíctese cando “miles de persoas abarrotan cada ano os restaurantes da vila e os puntos de degustación situados no recinto ‘ Arbomostra’, onde se presentan racións de lamprea preparada de distintas formas xunto aos adegueiros do municipio que ofrecen os seus mellores viños”. Durante o relatorio mostrouse tamén o cartel anunciador deste ano e incidiuse no compromiso por levar a esta gran festa á cualificación de interese turístico internacional.

Tamén se fixo fincapé en destacar a indispensable relación do río Miño co Xeodestino do Condado Paradanta, asegurando que coa creación da Ruta da Lamprea e outras iniciativas está a potenciarse este gran proxecto turístico que pretende dar a coñecer o importante patrimonio que rodea á lamprea e á súa captura, desde as artes de pesca como as pesqueiras, ata os lugares de interese natural e cultural como os miradoiros, as igrexas, os paseos ou as pontes”. Engadindo tamén que “Os carreiros son capaces de unir algúns concellos polas beiras dos seus ríos fomentando a unión e cooperación e, por iso, apostamos por este tipo de turismo e demostrámolo, por exemplo, coas recentes melloras do Carreiro dos pescadores. Fixemos un gran esforzo para a recuperación deste carreiro que agora conta con paneis interpretativos, sinalización e mesmo pasarelas de madeira”.

Please follow and like us:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies