Inicio Baixo Miño A Guarda A Guarda homenaxea ós seus remeiros de hai medio século

A Guarda homenaxea ós seus remeiros de hai medio século

a-guarda-homenaxea-os-seus-remeiros-de-hai-medio-seculoA Asociación Cultural de Embarcacións Tradicionais “Piueiro” e o clube de remo “Robaleira”  organizan o próximo 9 de xuño ás 17:00 horas no porto de A Guarda unha regata de homenaxe ós remeiros aficionados, pescadores todos eles, que entre os anos 40 e 70 do pasado século popularizaron o deporte do remo na vila do Baixo Miño.

A xornada de lembranza consistirá, no deportivo, nunha regata contrarreloxo de traineras na que tomarán parte clubes senlleiros do remo actual na Ría de Vigo, coma son o propio Robaleira, Chapela, Meira e Tirán, e outros doutras rías coma Bueu, Ares e Rianxo, que xa teñen confirmado, e posiblemente outras que queren sumarse a este acto.

Os remeiros de hoxe renden así homenaxe ós seus devanceiros, neste caso ós pescadores que hai máis de medio século popularizaron en A Guarda un deporte nado da propia práctica da pesca. Daquela, os pescadores organizábanse en botes de seis remeiros e un timonel –semellantes ás actuais traiñeiriñas- baixo o nome dunha taberna ou dunha tenda da vila e competían entre elas co gallo da celebración das festas do Carme. As diferentes embarcacións respondían a nomes coma Jaula, Morales, Barquiño ou Mau Mau, que son as máis antigas das que se ten memoria e que terían continuidade noutras coma Chupa Ovos, A Revoltosa ou Alpiste.

a-guarda-homenaxea-os-seus-remeiros-de-hai-medio-seculo
Tonio Breva, Barrista, Binitola, Negrin, Jesús, Chuicho, Cagi e D. Ramón.

Neses intres, o porto de A Guarda enchíase de público para seguir o enfrontamento final entre dous botes e cóntase que os gañadores pasaban despois longas xornadas de celebración ás que se unían, en ocasións, os perdedores.

-guarda-homenaxea-os-seus-remeiros-de-hai-medio-seculo
Alemán, Colombo… e abaixo Octavio, Escarabajo, Pipano, Joaquín, Simón e Avelino

Piueiro ven de realizar unha labor de pescuda nos últimos meses para identificar, coa axuda de antigos participantes nas devanditas regatas, a tódolos remeiros posibles. Todos eles, os que aínda viven en persoa e os que non a través dos seus familiares, serán homenaxeados na xornada do 9 de xuño, recibindo unha peza de cerámica diseñada polos membros da asociación Avelaiña -adicada á axuda ás persoas con enfermedades mentais- e un libro fotográfico con imaxes de regatas do pasado, que serviron de base para atopar ós remeiros.

O acto, no que se espera a presenza de diversas autoridades, será conducido polo xornalista da Televisión de Galicia Terio Carrera.

- Publicidade -

ÚLTIMA REVISTA

+ VISTOS

SÍGUENOS

691FansGóstame
300SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies