Inicio Baixo Miño A Guarda A Guarda acollerá o XIV Encontro de Embarcacións Tradicionais 

A Guarda acollerá o XIV Encontro de Embarcacións Tradicionais 

A Guarda acollerá o XIV Encontro de Embarcacións Tradicionais O porto da Guarda celebrará do 11 ao 14 de xullo, o XIV Encontro de Embarcacións Tradicionais da Federación Galega pola Cultura Marítima e Fluvial ( Culturmar) e que este ano terá como principal novidade temática a relación das tradicións marítimas e fluviais galego-portuguesas, contando coa participación de máis de 150 embarcacións de diversos países.

Dentro dos actos programados con motivo da celebración do XIV Encontro de Embarcacións Tradicionais, a Asociación Piueiro xa puxo en marcha varias iniciativas. Unha das máis destacadas é a construción dun ” volanteiro”, embarcación tradicional da que se teñen referencias desde o século XVII e que desapareceu na Guarda a principios do XX. Os traballos para dar forma a este navío están xa moi avanzados e antes do verán esperan poder soltar amarras. Outra é a actuación da Orquestra Infantil e Xuvenil de Vigo Kv2211, que despois do seu paso pola Guarda, volverá actuar o sábado 11 de maio en Santa María de Oia e o domingo 12 de maio no Rosal.Orquestra Infantil e Xuvenil de Vigo, Kv2211

A Asociación Piueiro
A Asociación Cultural de Embarcacións Tradicionais PIUEIRO constituiuse en outubro de 2017, e dende o comezo conta coa participación de asociacións e de persoas a título individual. O seu ámbito de acción é o concello de A Guarda, aínda que por cuestión evidentes -o mar e o río non entenden de fronteiras- ten unha forte relación co resto de concellos da bisbarra do Baixo Miño galego e do Alto Minho portugués.

Entre os fins da asociación atópase recuperar arquivos, imaxes e demais documentación da historia mariñeira; desenvolver e fomentar actividades culturais variadas: e promocionar valores literarios, históricos, culturais, educativos e tradicionais, fundamentalmente respecto da cultura mariñeira. Ademáis de organizar o Encontro, na actualidade está a desenrolar exposicións e talleres formativos entre os rapaces e construindo un volanteiro con fondos propios e privados.

- Publicidade -

ÚLTIMA REVISTA

+ VISTOS

SÍGUENOS

680FansGóstame
282SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies