A Federación Galega de Piragüismo fai entrega da insignia de ouro a Jesús Morlán
O tarde de onte o presidente da Federación Galega de Piragüismo José Alfredo Bea García fixo entrega da insignia de ouro do ente federativo ao adestrador galego Jesús Morlán.
O técnico galego atópase na localidade lusa de Montemor o Velho onde se están disputando os campionatos mundiais de piragüismo sprint. Alfredo Bea aproveitou a ocasión para facerlle entrega da máxima distinción, despois de que Morlán non puidese asistir á gala do piragüismo galego, celebrada o pasado mes de decembro en Ribadumia.
Jesús Morlán, agora responsable deportivo do equipo de canoa brasileiro, mostrouse moi orgulloso e agradecido por este recoñecemento da xunta directiva galega e se monstró moi optimista co potencial dos deportistas galegos e augurou moitos éxitos para todos eles.
O que fose preparador do medallista olímpico David Cal, está a recuperarse dunha grave enfermidade que lle tivo apartado durante un tempo da súa paixón o piragüismo. Agora mesmo, só pensa en aumentar o seu particular medalleiro olímpico a dez metais, para iso conta con todo o apoio do comité olímpico de Brasil e a uns grandes deportistas como son Erlon de Souza e Isaquias Queiroz que atesoura tres preseas nuns xogos olímpicos.
