Inicio Galicia Compostela A exposición "Sorrisos transformadores" chega a Santiago de Compostela

A exposición “Sorrisos transformadores” chega a Santiago de Compostela

a-exposicion-sorrisos-transformadores-chega-a-santiago-de-compostela

A exposición, que poderá visitarse ata o 9 de febreiro na Facultade de Ciencias da Educación da USC, enmárcase no seo das II Xornadas de Diversidade desde a Educación: Unha oportunidade para trans*formar a sociedade 

 A Presidenta da Deputación de Pontevedra, Carmela Silva, inaugurou esta mañá a exposición “Sorrisos Transformadores” que poderá visitarse ata o 9 de febreiro na Facultade de Ciencias da Educación da Universidade de Santiago. A mostra, enmarcada nas segundas xornadas de Diversidade desde a Educación: Unha oportunidade para trans*formar a sociedade ten por obxectivos –en palabras de Carmela Silva –  “loitar para que homes e mulleres teñamos a liberdade de decidir o noso destino, de construír a nosa vida en liberdade e na procura da felicidade, sen estereotipos e respectando a diversidade, porque non hai loita mellor que conseguir que todas e todos teñamos os mesmos dereitos”.

Carmela Silva asegurou que “os tempos están cambiando e as administracións debemos ser permeables ás propostas que veñen da sociedade, por iso cando a Asociación ARELAS de Familias con Menores Trans* e a súa presidenta Cristina Palacios nos propuxo esta exposición non tivemos ningunha dúbida en promovela, porque queremos construír unha sociedade máis xusta e igualitaria”.  Así,  “Sorrisos transformadores” está integrada por dez fotografías que amosan dez realidades de persoas trans ou que, sen selo, están relacionadas pola súa profesión na transmisión dunha mensaxe de positivismo e de orgullo. Todas as imaxes que se poden ver na mostra teñen en común a lenda de “respecta, defende, sensibiliza, iguala, vive e deixa vivir”.

A Presidenta provincial agradeceu a presenza da Valedora do Pobo, do Director Xeral de Educación e da concelleira de políticas sociais de Santiago polo seu compromiso na construción dunha sociedade máis xusta.  Ó respecto reiterou a necesidade de que todas as administracións públicas “loiten para evitar que se nos estereotipe, que se nos obrigue a ter determinados comportamentos que impiden a nosa felicidade, porque esta loita pola igualdade non é cuestión de cores políticas, é cuestión de decencia”.

Xa para rematar, Carmela Silva amosou a súa preocupación polo auxe da “LGTBfobia, que se instalou de xeito cruel na sociedade” e manifestou a súa satisfacción por atoparse en Santiago, “nun centro que educa a futuros formadores e formadoras, imprescindibles para que se cambien os discursos, os hábitos, os modos de educar e impulsar que todo o mundo estea integrado no discurso da educación”.

A próxima parada de “Sorrisos transformadores” será no Multiusos de Chapela, en Redondela, entre o 13 e o 23 de febreiro.

 

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies