A Organización de Palangreiros Guardeses (OR.PA.GU.), recibiu o recoñecemento oficial de carácter transnacional por parte da DG de Ordenación Pesqueira.
A resolución vén amparada polo novo marco da OCM e foi comunicada á Comisión Europea e á Administración pesqueira portuguesa.
A nova estrutura da Organización posibilitará a adhesión de buques de pavillón comunitario, algo que cobra especial relevancia tendo en conta a localización xeográfica da entidade e a estreita relación co veciño país luso.
Este carácter transfronteirizo poderá achegar novas posibilidades para os seus asociados, así como o crecemento da propia entidade, que xa conta con 39 palangreiros de superficie procedentes de seis
provincias españolas e de Portugal.
Comeza un novo escenario para a Organización, no cal, OR.PA.GU. espera poder optimizar os recursos pesqueiros dos que dispón a Unión Europea, contribuír á xestión sustentable da pesqueira e defender os intereses dos seus asociados dentro do marco internacional e comunitario.
