A Consellería de Sanidade recomenda aos usuarios da praia de Arealonga non bañarse en base aos resultados dos controis das augas realizados na zona.
O informe da analítica, que se expón ao público na caseta dos socorristas do arenal considera “insuficiente” a calidade das augas, unha clasificación sanitaria fechada o pasado 24 de xuño e calculada sobre os resultados das análises periódicas que se realizaron nas últimas catro tempadas.
A recomendación da Consellería de Sanidade de non bañarse na praia de Arealonga ante a insuficiente calidade das augas non sorprendeu aos bañistas, e son poucos os que fan caso..