Inicio Pontevedra A camelia será a protagonista en Pontevedra os próximos meses en 18...

A camelia será a protagonista en Pontevedra os próximos meses en 18 mostras, certames e exposicións

a-camelia-sera-a-protagonista-en-pontevedra-os-proximos-meses-en18-mostras-certames-e-exposicionsA Deputación de Pontevedra colaborará dende este mes de xaneiro e ata o mes de abril en 18 mostras, certames e exposicións sobre a camelia en toda a provincia. A Estación Fitopatolóxica de Areeiro (EFA), centro dependente da institución provincial, é a que xestiona o apoio a todos os eventos mediante o asesoramento aos organizadores, a cesión de plantas, así como coa participación presencial nas mostras, ás que traslada unha pequena selección das máis de 1.000 variedades de camelias da finca de Lourizán.

A deputada responsable de Sectores Produtivos Primarios, Eva Vilaverde, responsable da EFA, subliña a necesidade de dar a coñecer a camelia tanto no ámbito local coma internacional xa que Pontevedra “é unha importante zona de produción comercial de camelias ornamentais”. Así mesmo, destaca se trata dun elemento fundamental e identificativo dos xardíns da provincia e de Galicia “que ten un importante potencial a nivel turístico”.

Vilaverde lembra o importante traballo que fai a Estación Fitopatolóxica de cara ao sector, xa que ven realizando estudos en relación cos problemas sanitarios da camelia dende hai máis de 25 anos.  Así mesmo, destacou o importante “laboratorio de ensaio” que supón contar cos xardíns de Lourizán, onde se cultiva unha das maiores coleccións de camelia de toda Galicia.

Calendario

a-camelia-sera-a-protagonista-en-pontevedra-os-proximos-meses-en18-mostras-certames-e-exposicionsO calendario de certames e exposicións nas que participa e colabora a Deputación de Pontevedra comezou esta fin de semana coa I Mostra da Camelia de Tui, que se desenvolve nunha sala de exposicións do edificio municipal Área Panorámica do mencionado concello. A mostra está organizada por un grupo de tudenses amantes da camelia e será inaugurada á unha da tarde. Poderase visitar este sábado de 16.30 a 20 horas e o domingo de 10 a 14 horas e de 16 a 19.30 horas.

A seguinte mostra será a ‘X A Camelia en Domaio‘, organizada pola Asociación de Mulleres Poza de Moura, no CEIP Domaio o 30 e o 31 deste mes. Xa no mes de febreiro realizarase a II Mostra de Camelia de Vilanova no Pavillón de Vilanova de Arousa (os días 6 e 7); e a I Mostra de Divulgación da Camelia en Cambados, no Salón de Peña situado no Paseo Marítimo, organizada polo concello para os días 13 e 14. Na mesma fin de semana tamén se desenvolverán o VII Concurso-exposición da camelia en Tomiño, organizada pola Asociación de Vigueses Baixo Miño, e a IV Mostra da Camelia en Torneiros, organizada pola asociación de veciños, así como a dédima edición de ‘A camelia na Festa do Lacón con Grelos de Cuntis‘. Por outra banda, tamén está prevista a celebración dunha mostra no Aeroporto de Vigo, que este ano verá a súa segunda edición,  así como a VII Exposición da camelia en Rubiáns (Vilagarcía) o 27 e 28 de febreiro.

No mes de marzo están fixados o XVIII Memorial Antonio Odriozola no Mosteiro de Lérez en Pontevedra (días 5 e 6), que está organizada pola Asociación Cristo del Consuelo; e a XIV Exposición da camelia en Salceda de Caselas, no auditorio municipal. Na fin de semana seguinte tócalle o turno á XII Gala Camelia no Camiño organizada pola Asociación de Amigos do Camiño Portugués a Santiago e tamén o XVI Certame da camelia no Castelo, en Soutomaior. Xa durante os días de semana tócalle a quenda ao CEIP Campolongo de Pontevedra, que se involucra coa camelia nunha mostra que abrirá o día 15 no propio centro.

O 19 e 20 de marzo a Deputación de Pontevedra celebrará a súa propia mostra, co LII Concurso-exposición internacional da Camelia, que esta edición será no Recinto Feiral-Pazo de Congresos de Pontevedra e na que está prevista a participación de decenas de cultivadores.

Finalmente, a tempada pechará coa IV Mostra da camelia ‘Cultural de Sanxenxo, no Círculo Cultural Deportivo (os días 24 e 25 de marzo), a X Exposición de camelias Bella Otero no Auditorio Municipal de Valga e a IV Exposición Día da Camelia do Concello de Ponteareas na fin de semana do 9 e o 10 de abril.

Para saber maisPazos e Xardíns da Ruta da Camelia

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies