A Asociación de Danza de Gondomar remata a tempada 2014-2015 que congregou a máis 40 mozas e mozos nas aulas impartidas por Gabriel Vázquez (Fusión), Clara Ferrao (Danza Clásica e Moderna), Hilda Lagos (Acrobática) e Sara Lago (Hip Hop). Con tal motivo puxeron en escena o “Festival Fin de Curso” na que todos os seus corpos de baile amosarán as principais coreografías traballadas ao longo do ano.
O evento contou coa participación especial das escolas invitadas: Asociación de Veciños Val do Fragoso (Vigo), a Escola de Danza Paradela , Danzarinos do CC de Peitieiros e a Escola Deportiva Sey (A Carrasca).
O Festival tivo lugar o pasado domingo 19 no escenario aberto instalado na Alameda da vila de Gondomar. Actividade que conta co apoio do Concello de Gondomar e a Deputación de Pontevedra.
