O Encontro Cultural Federación de Asociacións Terra Miño, reunirá na súa 11ª edición, a unha decena de grupos de música tradicional. O evento terá lugar na Casa da Cultura de Tomiño o vindeiro sábado a partir das cinco da tarde
O Encontro Cultural Federación de Asociacións Terra Miño chega a súa 11ª edición. Para celebralo, as asociacións O Árbore e Xanela reunirán, o vindeiro sábado 28 de abril, entre as 17.00 e 21.00 horas, unha decena de grupos de música tradicional; entre eles, Airiños Novos de Pinzás, Coro Orballo de Currás, Pandereteiras de Sobrada, Pandereteiras do Aloia, Grupo de Acordeóns de Forcadela, Grupo Folclórico Cacharela de Taborda e Coro Cantares de Tebra.
Serafín Rodríguez Barreiro, presidente da Federación, explica que este décimo primeiro encontro ten coma obxectivo principal, que o traballo das diferentes asociacións e grupos se coñeza. “A nosa prioridade é tratar que os veciños se reúnan periodicamente para intercambiar puntos de vista e ver o traballo dos demais, e con iso, fomentar a boa convicencia entre todas as entidades”, comenta.
