Inicio Pontevedra Louriña 500 variedades de camelia hacen de Salceda a capital da primavera

500 variedades de camelia hacen de Salceda a capital da primavera

Salceda de Caselas converterase a próxima fin de semana, días 23 e 24 de marzo, na capital da primavera coa súa XI Mostra-exposición da Camelia

A Casa da Cultura Castelao serviu de escenario para a presentación da XI Mostra-exposición da Camelia, que se celebrará en Salceda de Caselas esta fin de semana. Na mostra participarán 75 persoas chegadas de toda a xeografía galega, Portugal e Asturias, que amosarán máis de 500 variedades desta flor de orixe oriental, que se estenderán ao longo de máis de 160 metros de exposición.

Loli Castiñeira, Concelleira de Turismo e encargada da xestión da mostra, tivo palabras de agradecemento para tódalas persoas expositoras, así como para os colexios participantes, destacando este ano ademais a participación por vez primeira de AFAGA (Asociación de familiares de enfermos/as de alzheimer de Galicia). Destacou así mesmo o papel fundamental das asociacións de mulleres rurais e xubilados/as e pensionistas de Salceda, fundamentais na organización e desenrolo dunha mostra que se ten convertido xa na de maior dimensión de toda Galicia.

500 variedades de camelia hacen de Salceda a capital da primavera

Antonio Rivero, Presidente da Asociación de Xubilados/as e Pensionistas e coorganizador da mostra mencionou as máis de 500 variedades de flor que se poderán ver esta fin de semana, destacando ademais os produtos derivados da camelia que se poderán tamén coñecer na mostra, tales como marmelada, te, madeira ou aceite, que estarán presentes grazas á Estación Fitopatolóxica do Areeiro, que realiza unha labor fundamental no estudio e difusión das diferentes posibilidades que ofrece esta flor.

O domingo celebrarase ademais unha nova edición da feira de agricultura ecolóxica emercado sostible, da man de Ekohuerta, con produtos reciclados e de segunda man, cosmética natural, oficios tradicionais, etc. En palabras de Manuel Nieto, responsable de Ekohuerta, a feira contará con 50 participantes chegados dende toda a xeografía galega, destacando a presenza de artesanía e repostería provinte de Marrocos.

A fin de semana complétase con diversos actos de programación cultural complementaria, como o concerto das Donicelas o sábado ás 16:30 ou o das Maimiña o domingo ás 17:00, os dous no Auditorio Municipal. Tamén o domingo pola mañá están previstas dúas andainas, ás 10,00h “Coñece o teu entorno” (con recollida de lixo durante a camiñata) e ás 12,00h, “Camiñata”, unha andaina para levar cada quén o seu can e que ten a súa saída da praza de abastos. Para finalizar, “Os Espantarratos”, actuaránan ás 18.00 horas no Auditorio.

Marcos Besada, Alcalde de Salceda, lembrou as máis de 2000 persoas que visitaron amostra na pasada edición, e que este ano aspiran a superar. Agradeceu o traballo de tódalas persoas e colectivos que fan posible a mostra: asociacións, voluntariado, colexios, etc. O alcalde aproveitou ademais para convidar a visitar Salceda durante esta fin de semana non só ás persoas amantes da camelia, senón tamén ás que se acheguen a desfrutar da ampla programación preparada para toda a fin de semana.

- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies