Como parte dos preparativos para a posta en circulación do novo billete de 20 euros, 2,8 millóns de establecementos comerciais e pequenas empresas recibirán folletos informativos e cartóns holográficas
As empresas deberán asegurarse de que as súas máquinas de tratamento de billetes e dispositivos autenticadores están preparados para aceptar o novo billete.
O novo billete inclúe un elemento de seguridade innovador: unha «xanela con retrato» inserida no holograma. Ao mirar o billete a contraluz, a xanela vólvese transparente e mostra un retrato do personaxe mitológico Europa, que pode verse en ambos os lados do billete.
O novo billete de 20 euros, do mesmo xeito que os novos billetes de 5 euros e 10 euros, inclúe tamén un «número verde esmeralda» e un retrato de Europa na marca de auga.
Os billetes en euros son utilizados na actualidade por 338 millóns de persoas de 19 países e teñen un valor facial combinado dun billón de euros
O novo billete de 20 euros é o terceiro da serie Europa que está a substituír gradualmente á 
serie orixinal de billetes en euros introducida en 2002. O billete de 5 euros da serie Europa foi emitido en maio de 2013 e o de 10 euros, en setembro de 2014. Ao billete de 20 euros seguiranlle os novos billetes de 50, 100, 200 e 500 euros..
NOVIDADE
Os novos billetes en euros manteñen o deseño <épocas e estilos> da primeira serie e mostran os mesmos cores dominantes, aínda que foron modificados lixeiramente para incorporar elementos de seguridade mellorados.
Agora tamén teñen en conta aos países que se integraron na UE desde 2002. Por exemplo, Malta e Chipre aparecen no mapa de Europa, <euro> está escrito en alfabeto cirílico ademais de latino e grego, e as siglas do BCE figuran en nove variantes lingüísticas, en lugar de cinco.
Por que necesitamos novos billetes?
É moi importante actualizar e mellorar periodicamente os elementos de seguridade dos billetes en euros para dificultar a súa falsificación. O novo billete de 20 euros inclúe unha innovadora xanela con retrato que pode verse en ambos os lados do billete cando se mira a contraluz.
A nova serie mostra un retrato de Europa, personaxe da mitoloxía grega que dá nome ao noso continente. O retrato utilizado nos billetes da serie Europa tomouse dun vaso de máis de 2.000 anos de antigüidade atopado no sur de Italia e conservado no Museo do Louvre en Paris.
TOCAR, MIRAR E VIRAR
TOQUE.-Novidade
Hai unha serie de liñas curtas en relevo nos bordos esquerdo e dereito.
MIRE.-Novidade – Marca de auga con retrato.Tamén se aprecia un retrato de Europa.
Novidade – Xanela con retrato no holograma. A contraluz, a xanela situada na parte superior do holograma vólvese transparente e mostra un retrato de Europa en ambos os lados do billete
VIRE.-Novidade – Numero verde esmeralda.Este número brillante produce un reflexo metálico que se despraza verticalmente. Tamén cambia a súa cor do verde esmeralda ao azul escuro.
Novidade – Xanela con retrato no holograma.A xanela situada na parte superior do holograma mostra un retrato de Europa. Ao inclinar o billete, mostra liñas multicolor ao redor do número que indica o seu valor. No reverso, aparecen números multicolor que indican o valor do billete.
