Inicio Val Miñor Baiona Xunta e alcaldes da área metropolitana de Vigo a un paso de...

Xunta e alcaldes da área metropolitana de Vigo a un paso de asinar un acordo histórico

O vicepresidente da Xunta, Alfonso Rueda e os 14 alcaldes dos concellos que forman parte da área metropolitana (Vigo, Redondela, Cangas, Moaña, Porriño, Mos, Nigrán, Baiona, Gondomar, Salceda, Salvaterra, Soutomaior, Pazos de Borbén e Fornelos) mantiveron onte una reunión de mais de tres horas, para abordar a modificación da actual normativa en vigor, tras a cal todos manifestaron os “importantes avances” obtidos e amosaronse optimistas de cara a lograr un consenso que permita a reforma.

A Xunta destaca os importantes avances logrados para acadar un consenso na área metropolitana de Vigo

Na reunión tamén estiveron o delegado da Xunta en Vigo, Ignacio López- Chaves, e o director xeral de Administración Local, Alberto Pazos, e tivo lugar no edificio da delegación da Xunta en Vigo.

“Non hai ningunha dificultade insalvable”, manifestou Rueda en declaracións aos medios ao termo do encontro, nas que amosou a súa satisfacción polo resultado do cónclave, que definiu como “moi necesario” e “frutífero”.

Hai acordo en arrancar con 14 concellos e abordar posteriormente a incorporación de máis municipios

“O fundamental é arrancar con 14”, explicou o vicepresidente da Xunta, que explicou que existe consenso en que é preciso arrancar con ese número, o contemplado na lei actual, para despois afrontar incorporacións de outros municipios cando a nova lei xa estea en vigor e a área en marcha.

Xunta e concellos manterán unha nova reunión para falar especificamente da cuestión do transporte, na que segue a haber diferenzas

No caso da gobernanza, tamén se produciron avances e a Xunta presentou a súa propia proposta para buscar un modelo equilibrado. Agora deberán ser os concellos que integran a área metropolitana e que participan no seu goberno os que deban chegar a un acordo sobre esta cuestión “no prazo máis ou menos rápido”, en palabras de Rueda.

Competencias
Así mesmo, o conselleiro de Presidencia tamén indicou que outro asunto que está pendente de pechar definitivamente é o do financiamento das competencias. Nesa liña, outro dos acordos que se produciu foi o de que debe contemplarse na lei que a Deputación de Pontevedra tamén transfira competencias a área, tal e como fan outras administracións.

Precisamente ao respecto das competencias, outra das cuestións nas que aínda non hai acordo é a do transporte metropolitano, xa que os concellos manteñen posturas diversas. En todo caso, hoxe decidiron manter novas reunións, de carácter específico e con técnicos da Xunta e dos concellos, para abordar esta cuestión e definir como se debe xestionar o transporte dende a área metropolitana. Unha cuestión non menor que o vicepresidente definiu como “unha competencia medular” da área.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies