A Asociación Lazoiro organiza o próximo sábado 27 de abril, un coloquio e unha andaina nunha xornada adicada ao sistema defensivo de Salvaterra de Miño e a minería romana.
A xornada comezará cun coloquio ás 10:00h, na aula da natureza do Parque Público A Canuda, adicado ao sistema defensivo Salvaterra-Monção e a súa materialidade arqueolóxica, impartida pola arqueóloga e historiadora galega, Rebeca Blanco Rotea.
Continuará nas inmediacións do parque ás 11:00h cunha andaina que permitirá identificar as xeomorfoloxías da minaría de ouro e da guerra na zona da Fillaboa a cargo do xeólogo Óscar Pazos Rodriguez.
É necesaria a inscripción previa por whatsapp no teléfono 639 24 90 05, cun custe total de 4€.
