Inicio Pontevedra O Morrazo A XI edición do Festival Internacional de Curtametraxes de Bueu abre o...

A XI edición do Festival Internacional de Curtametraxes de Bueu abre o prazo para apresentación de obras

vinte-paises-estaran-representados-na-seccion-oficial-do-ficbueu-no-seu-decimo-aniversarioA asociación FICBUEU vén de abrir o prazo para a presentación de obras ao 11º Festival Internacional de Curtametraxes de Bueu (Pontevedra), que se desenvolverá entre o 7 e o 15 de setembro co apoio do Concello de Bueu, entre outras administracións e entidades.

As bases contemplan ata oito seccións paralelas, que se completarán unha vez resulten seleccionados os filmes da Sección Oficial.

Ata o 14 de abril permanecerá aberto o prazo para o envío das curtas, que por segundo ano consecutivo se realizará a través da plataforma Shortfilmdepot. Poderán presentarse traballos estreados a partir do 15 de abril de 2016, cunha duración que non supere os 30 minutos. O 15 de maio daranse a coñecer as obras escollidas, que no caso da Sección Oficial optarán a máis de 5.000 euros en premios, tendo en conta os destinados a centros educativos.

Un xurado internacional encargarase de outorgar as Ánforas de Ouro e Prata, alén dos once galardóns artísticos e técnicos, mentres que un xurado estatal entregará os das mellores curtametraxes galega e española, aos que se suma o premio do público. O FICBUEU convidará a asistir a representantes de todas as curtas da Sección Oficial, polo que este ano se volverá garantir unha destacada presenza internacional nos días do evento. A esta escolma súmanse as seccións paralelas: Galicia, España, Animación, Comedia, Festival Invitado, Infantil, Latinoamérica e Premio de Honor, esta última como novidade.

O obxectivo do Festival Internacional de Curtametraxes de Bueu é contribuír á promoción das mellores curtas realizadas nos dous últimos anos no ámbito internacional, así como ao impulso dos novos valores, prestando especial atención aos cineastas galegos. No entanto, a organización está a traballar na configuración dun programa máis amplo, na liña do décimo aniversario celebrado o pasado ano, que incluirá unha morea de actividades de carácter cinematográfico e cultural pensadas para distintos tipos de público. A isto engádense as accións da Área Social do FICBUEU, que xa están en marcha con diferentes colectivos.

- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies