Inicio Pontevedra Vigo homenaxea aos navegantes da primeira volta ao mundo

Vigo homenaxea aos navegantes da primeira volta ao mundo

Vigo acolleu o acto conmemorativo do V Centenario da volta ao mundo iniciada polo portugués Fernando Magallanes e completada polo español Juan Sebastián Elcano, un fito do que este ano se celebra o quinto centenario.

A homenaxe aos navegantes da primeira volta ao mundo, desenvolveuse nun solemne acto organizado pola Armada con arriado de bandera e no que estiveron presentes o presidente da Autoridade Portuaria, Enrique López Veiga; a conselleira do Mar, Rosa Quintana; o alcalde Abel Caballero e o almirante da Frota, Manuel Garat, entre outras autoridades.

No acto inaugurouse un monólito conmemorativo, encargado pola Autoridade Portuaria de Vigo ao escultor José Molares e instalado diante da nave de Portocultura. Esta figura homenaxea a navegantes galegos como Gonzalo de Vigo, o primeiro español en desembarcar na illa de Guam e aprender a súa lingua, un coñecemento que sería moi útil nunha posterior expedición.

“Juan Sebastián Elcano chegaba o 6 de setembro de 1522 a Sanlúcar de Barrameda co que quedaba da tripulación: dezaoito homes, dos que tres eran galegos. A eles é a quen homenaxeamos hoxe coa inauguración deste monólito, co que conmemoramos a súa xesta e o compromiso de Galicia coa Armada española”, explicou a titular de Mar na súa intervención en representación da Xunta, na que tamén trasladou o “cariño e respecto” que as xentes do mar profesan cara esta institución.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies