Esta semana, coincidindo coas diversas actividades postas en marcha polo Concello de Santiago con motivo do Día Internacional da Eliminación da Violencia contra as Mulleres (25 de novembro), a Policía Local organizou unha actividade formativa en relación a esta materia. As sesión comezan na tarde deste luns.
Ao longo de 25 horas, os/as axentes abordarán tres módulos, un lexislativo, outro operativo e un terceiro no que se tratará a parte psicolóxica e de información sobre os recursos e prestacións sociais dirixidos a mulleres vítimas de violencia de xénero. Con este curso preténdese afondar nos coñecementos necesarios para a correcta intervención con vítimas de violencia de xénero de forma especializada e profesional, describindo os distintos protocolos que a Policía debe utilizar.
Plan de formación
A Policía Local de Compostela participa cada ano nun plan formativo organizado polo Concello no que se imparten cursos baseados en diferentes temáticas relacionadas co seu labor diario, tales como seguridade viaria y tráfico, técnicas e prácticas de intervención policial, operador de sala de tráfico, investigación de accidentes, actualización en normativa xurídica, habilidades comunicativas ou
