O martes 22 de abril comeza unha intensa semana protagonizada polo ciclo Saxornadas no Conservatorio Superior de Música de Vigo.
A primeira cita estará protagonizada polos docentes Saša Nestorović (saxofón soprano) e Sabrina Zelić (piano) da Academia de Música de Zagreb. Interpretarán música de Ivan Lukačić, JC.Ph.E. Bach, Mladen Stahuljak, Renato Rožić, Saša Nestorović e Johann Sebastian Bach.
O martes ás 20 horas, será o pistoletazo de saída da semana do piano cun recital a catro mans protagonizado polo “Dúo Gallarte”. Os pianistas Francesco Dei Marco e Andrea Micucci do Conservatorio G. Puccini” de Gallarate (Italia) interpretarán obras de Grieg, Rachmaninov e Kapustin.
O mércores 23 ás 20 horas será en quenda do dúo de saxofones Syderix formado por Efrén Soto López e Liliana Ortega Arteaga. Contarán coa colaboración de Magdalena Argibay ao piano.
O xoves 24 a música para cuarteto de saxofones protagonizará o concerto. O cuarteto Essenza Quartet formado polos saxofonistas Tamara Souto Rey (soprano), María Loureiro Hernández (alto), Joel Rodrigo Mayán (tenor) e Esteban Cabana Pérez (barítono). Interpretarán música de Antoní Dvořák e Guillermo Lago.
Pecharemos a semana o venres 25 ás 20 horas con Silvio Zalambani docente do Conservatorio de Trapani acompañado polo Ensemble de Saxofóns do CSM de Vigo. Interpretarán un concerto titulado “O saxofón na música de Latino America”.
Todos os concertos terán lugar no Auditorio Martín Códax do Conservatorio Superior de Música de Vigo ás 20 horas e a entrada aos eventos é libre ata completar aforo.
Para máis información sobre o Festival Nas Ondas e a súa programación completa, pódese consultar a páxina oficial do Conservatorio Superior de Música de Vigo www.csmvigo.com
