O Trofeo Baitra de Vela Infantil celebrado este fin de semana na baía de Baiona deixou constancia do bo facer dos novos regatistas que adestran nos diferentes clubs da ría de Vigo. O Club Marítimo de Canido, o Real Club Náutico de Vigo e o Monte Real Club de Yates de Bayona coparon todos os podios do campionato.
En clase Cadete, o claro triunfador foi o club baionés, que colocou a dous das súas tripulacións no primeiro e segundo posto. Fereyot Simón e María Carneiro, de 16 e 11 anos, lograron o ouro da competición. A prata foi para os tamén baioneses Pablo Carneiro e Pablo Ledo, e o bronce para Gabriel Mantilla e Pedro Igrexas, do Real Club Náutico de Vigo.
En clase Optimist, a vitoria foi para Santiago Moreno, de 15 anos, que tras gañar tres do cinco probas celebradas colocou a grímpola do club vigués no posto máis alto do trofeo. Do náutico olívico é tamén a segunda clasificada, África Alonso, que deixou a terceira posición para Carmen Fernández, do Club Marítimo de Canido.
Finalmente, en clase Optimist Escola, a vencedora foi a regatista de Canido Carla Estévez, de 11 anos.
Por cortesía de Baitra, empresa patrocinadora do evento, e con motivo do 50 aniversario do Monte Real Club de Yates, os gañadores levaron como trofeo unha réplica en fundición da Batería do Cangrexo, o recinto amurallado onde se sitúa o club baionés.
Ademais, os primeiros clasificados de Optimist e Cadete foron premiados con material náutico de Jesús Betanzos Efectos Navais, por valor de 100 euros. Na competición colaborou tamén o Concello de Baiona.
A próxima cita coas regatas do Monte Real é a Regata Baitra – Copa Galicia da clase 420, que se celebrará na baía de Baiona os días 23 e 24 de maio.
CLASE OPTIMIST ESCOLA
1) CARLA ESTÉVEZ – CLUB MARÍTIMO DE CANIDO
CLASE OPTIMIST
1) SANTIAGO MORENO – REAL CLUB NÁUTICO DE VIGO
2) ÁFRICA ALONSO – REAL CLUB NÁUTICO DE VIGO
3) CARMEN FERNÁNDEZ – CLUB MARÍTIMO DE CANIDO
CLASE CADETE
1) FEREYOT SIMON E MARÍA CARNEIRO – MONTE REAL CLUB DE IATES
2) PABLO CARNEIRO E PABLO LEDO – MONTE REAL CLUB DE IATES
3) GABRIEL MANTILLA E PEDRO IGREXAS – REAL CLUB NÁUTICO DE
