Salvaterra do Miño celebra o vindeiro 24 de maio os máis de mil anos de historia da vila, xa que o primeiro documento escrito que fai referencia a esta localidade foi asinado o 24 de maio do ano 991.
Con motivo desta celebración, o Concello de Salvaterra de Miño prepara un día de actividades no recinto amurallado pensada para todas as persoas.
A Concellería de Cultura organiza un mercado-exposición onde comercios, artesáns ou asociacións interesados poderán participar deste evento que terá lugar o sábado 24 de maio de 10:00 a 15:00 horas.
Ademais o Concello de Salvaterra tamén ten programadas actividades para @s nen@s con xogos populares, unha actividade familiar con acertixos e probas e máis sorpresas.
Aqueles interesados en participar no mercado-exposición deberán enviar os seus datos a seguinte dirección de correo electrónico comunicacion@concellodesalvaterra.org
