Inicio Pontevedra Reunión en Baiona o grupo de traballo do proxecto de turismo e...

Reunión en Baiona o grupo de traballo do proxecto de turismo e medioambiente “Quality Coast”

A reunión, que tivo lugar no concello de Baiona, reuniu a representantes de diferentes empresas e organismos, tanto públicos coma privados, relacionados cos temas a tratar no proxecto e que teñan especial relevancia na Vila e o seu ámbito.

Este grupo de traballo creouse como ferramenta de debate, plataforma de discusión de ideas e cooperación entre o destino e os diferentes axentes sociais.Reunión en Baiona o grupo de traballo do proxecto de turismo e medioambiente "Quality CoastO Alcalde de Baiona, Jesús Vázquez Almuiña, deu a benvida aos asistentes e agradeceu o esforzo realizado para formar parte deste grupo de traballo, ao que asistiron diversos concelleiros e persoal técnico do concello, así como representantes do proxecto Quality Coast, Monte Real Club de Iates, Confraría de Pescadores, Porto Deportivo, Parador de Baiona, Organización Galega de Comunidades de Montes e Asociación de Comerciantes e Empresarios de Baiona (Aceba). Ademais foron invitados outros organismos que non puideron acudir á cita.

Durante o transcurso da reunión fíxose un repaso ao proxecto, ao seu estado actual e realizouse unha exposición de temas que están en proceso de estudo, para que os asistentes valorasen a idoneidade ou non do exposto. Outra das funcións do grupo de traballo é trasladar propostas e ofrecer o seu punto de vista sobre temas, relacionados co proxecto, que se poderían realizar. Este grupo de traballo tamén favorece a comunicación entre os representantes dos diversos factores, públicos e privados, representados na reunión.

O premio “Quality Coast Gold Award”, que ostenta Baiona dende 2013, ten unha duración de dous anos, ata maio de 2015. O Reunión en Baiona o grupo de traballo do proxecto de turismo e medioambiente "Quality Coast"concello expresou a súa intención de volver presentar a súa candidatura para optar ao premio, como mínimo, na mesma categoría.

O programa Quality Coast, desenvolvido polo Coastal and Marine Union (EUCC) da Unión Europea, concedeu en maio de 2013 a Baiona a distinción na Categoría Ouro. Este proxecto ten como obxectivo fomentar o desenvolvemento sostible en destinos costeiros, a través dunha estratexia de información dirixida aos visitantes, así como establecer unha rede mundial de comunidades costeiras que compartan os mesmos valores e prácticas de desenvolvemento sostible.

Máis información: http://www.qualitycoast.info/index.htm

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies