Os 23 alumnos así como os alcaldes dos 3 municipios acompañados dalgún dos seus concelleiros, entre outras persoas, acudiron ao acto de presentación do IV Obradoiro de Emprego “Terras do Miñor” promovido pola Mancomunidade do Val Miñor en colaboración coa Conselleria de Traballo e benestar da Xunta de Galicia.O director do taller, José Luís Abraira, foi quen explicou os detalles do proxecto.
Á vista da experiencia das tres edicións anteriores, nas cales se experimentou unha inserción do 85%, os responsables municipais coinciden en declarar que o Obradoiro axuda a mellorar a inserción laboral e concluír que esta nova edición alcanzará unha porcentaxe de inserción similar
Os Obradoiros de emprego son programas mixtos de formación e emprego que se encadran dentro de políticas activas de emprego dirixidas a mellorar a empleabilidad de persoas desempregadas mesturando formación e práctica.
Os desempregados que participen van ser formados nas operacións básicas de cociña e servizos de restaurante. Así mesmo, os participantes serán inscritos a un contrato de formación de 6 meses nos cales recibirán formación teórica e práctica para poder conseguir os certificados de profesionalidade correspondente a estas especialidades. A parte práctica do curso realizarase desde o mes de novembro na residencia de tempo libre da Xunta en Patos.
