O Monte Real Club De Yates de Baiona acollerá esta fin de semana o Trofeo Loterías e Apostas do Estado, cuxo gañador será proclamado Campión De España De Cruceiros 2024
Organizado Pola Real Federación Española De Vela coa colaboración do Monte Real Club de Yates e a Real Federación Galega de Vela, as regatas desenvolveranse o venres, sábado e domingo, en probas de frota con xuízo directo no mar sobre percorridos barlovento-sotavento.
Os enfrontamentos con formato round robin do venres e o sábado permitirán establecer unha clasificación cuxos seis primeiros disputarán o domingo a gran final que dará a coñecer ao gañador do Trofeo Loterías e Apostas do Estado, Campión de España de Cruceiros.
O xoves día 3 queda reservado á formalización de inscricións e ao adestramento das distintas tripulacións a bordo das embarcacións cedidas polo Monte Real Club de Yates para a disputa do Trofeo. Cada tripulación estará formada por seis deportistas que navegarán, sen cambios, en todas as probas programadas.
