Inicio Galicia O transporte público de Galicia, garantía de mobilidade segura

O transporte público de Galicia, garantía de mobilidade segura

A “nova normalidade” supón recuperar o transporte público ás nosas vidas, que sempre, e especialmente en Galicia, é imprescindible

Tras semanas de confinamento, é hora de retomar os nosos costumes e reiniciar o camiño da mobilidade sostible a través de, por exemplo, a recuperación do uso do transporte colectivo.

A comezos de maio xa se notou un crecemento de viaxeiros no transporte público, e para isto, a Xunta implantou todas as medidas de protección precisas para que o emprego do transporte público non sexa só máis sostible, senón que sexa tamén máis seguro.

Ás medidas implantadas pola Administración supoñen a necesidade de manter distancia física, o uso de máscara e o incremento da hixiene co uso do xel hidroalcohólico. Son hábitos que xa temos incorporados no noso día a día para previr contaxios e aos que podemos engadir o pago con tarxetas ou dispositivos electrónicos; un extra de seguridade que tamén podemos empregar no transporte público.

O transporte público de Galicia, garantía de mobilidade segura

Os galegos xa veñen empregando as tarxetas “TMG” e “Xente Nova” nas áreas do Plan de Transporte Metropolitano, (A Coruña, Santiago, Ferrol, Vigo e Lugo), mais, nos próximos meses, os beneficios destes dispositivos estenderanse á toda a comunidade autónoma grazas a implantación do Plan de Transporte Público de Galicia. A tarxeta “TMG” permite obter descontos, mentres que coa “Xente Nova” os menores de 21 anos poden viaxar gratis nos autobuses interurbanos. Dende o 15 de xuño este dispositivo xa se pode empregar en toda a provincia de Ourense en na área de Pontevedra e, a finais de ano, estará funcionando en toda Galicia.

Ademais das vantaxes económicas destas tarxetas, o seu uso consolídase como o método de pago máis seguro na era “postcovid”, na que, pouco a pouco, volvemos á normalidade e o transporte volve encher os seus asentos. Tamén os de taxis e vehículos de turismo con condutor, cos que a Xunta colabora coa financiación de 4.000 pantallas de protección. Para iso abriu unha orde de subvención por valor de 300.000 euros.

A todas estas medidas de protección e seguridade fronte ao Covid-19, non hai que esquecer a responsabilidade individual. Só entre todos poderemos garantir unha mobilidade segura.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies