·Publicidade ·
mobipark
mobipark
InicioAlto MinhoO sur da provincia de Pontevedra acollerá o maior parque transfronteirizo de...

O sur da provincia de Pontevedra acollerá o maior parque transfronteirizo de Europa

O Espazo Fortaleza de Tomiño visto dende O Castelinho en Vilanova de Cerveira

Situado entre a zona de Fortaleza (Goián-Tomiño) e O Castelinho (Vila Nova de Cerveira), configurarase como unha área de esparexemento de 25,6 hectáreas que contará cunha ponte para peóns e ciclistas que conectará ambos os lados da fronteira.

O delegado do Goberno en Galicia, Javier Losada, mostrou o seu apoio ao proxecto do “Parque dá Amizade” mediante o que creará no sur de Pontevedra o maior parque transfronteirizo de Europa. Losada comprometeuse a efectuar un seguimento da tramitación do proxecto ante os organismos estatais implicados, xa que a situación do parque, nunha zona transfronteiriza e moi sensible desde o punto de vista ecolóxico, esixirá o ditame positivo de varios estamentos.

Javier Losada valora o altísimo potencial do futuro parque transfronteirizo do Miño que unirá España e Portugal mediante unha área de esparexemento de máis de 25 hectáreas

O sur da provincia de Pontevedra acollerá o maior parque transfronteirizo de EuropaO delegado do Goberno en Galicia, Javier Losada, mantivo unha reunión por videoconferencia co director da Agrupación Europea de Cooperación Territorial do Río Miño (AECT Río Miño) e presidente da Cámara de Vila Nova de Cerveira, Fernando Brito; o deputado de Cooperación Trasnfronteriza da Deputación de Pontevedra e vice-director da AECT Río Miño, Uxío Benítez, e coa alcaldesa de Tomiño, Sandra González. Durante a mesma, os responsables da iniciativa trasladáronlle os pormenores desta nova área de esparexemento nunha zona de alto valor natural, turístico e social.

O proxecto definitivo foi o gañador dun concurso de ideas internacional convocado pola Deputación de Pontevedra para definir esta actuación, e á que se presentaron 24 propostas. Sobre o proxecto final, o delegado destacou que, coa ponte “unimos países”.

Proxecto gañador da ponte peonil entre Vilanoa de Cerveira e Goían (Tomiño)

O futuro parque estará conectado coa rede de senllas verdes transfronteirizas existentes nesta zona co que creará un anel verde nun marco idóneo polos seus valores naturais, culturais e pola súa alta densidade de poboación. Ademais, a ponte peonil permitirá que a poboación ao lado español acceda a pé directamente á estación de tren de Vila Nova dá Cerveira, o que facilitará a mobilidade cara ao resto do territorio portugués.

Este parque encádrase nas actividades do proxecto VISIT_RIO_MINHO presentado á primeira convocatoria do Programa Operativo España-Portugal (POCTEP) 2014-2020 Interreg V-A en unha candidatura conxunta da Deputación de Pontevedra coa CIM Alto Minho, os concellos do norte de Portugal, a Fundación CEER, o Centro Tecnolóxico do Mar.

O parque transfronteirizo Castelinho-Fortaleza, foi presentado ao Goberno Luso

Controis fronteirizos

Durante a reunión, os asistentes trasladáronlle ao delegado a súa preocupación polo restablecemento dos controis na fronteira terrestre entre España e Portugal. Javier Losada mostrouse comprensivo fronte a esta inquietude. Trasladoulles que esta decisión foi tomada co obxectivo de protexer a saúde dos cidadáns, nunha situación moi delicada a ambos os dous lados da fronteira, e que a súa duración será temporal, circunscrita á evolución da pandemia

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies