·Publicidade ·spot_img
InicioVal MiñorBaionaO Monte Real Club de Yates, primeiro líder da Regata da Muller...

O Monte Real Club de Yates, primeiro líder da Regata da Muller tras catro probas moi duras

O Monte Real Club de Yates, primeiro líder da Regata da Muller tras catro probas moi duras
1ª Regata da Muller, Centro Galego de Vela Vilagarcía 2021

A tripulación do Monte Real Club de Yates, lider provisional da proba na ría de Arousa, nunha xornada de duelo sen cuartel entre Baiona e Mar de Aguete

A Regata da Muller, organizada pola Real Federación Galega de Vela e apoiada pola Xunta, comezou con liderado provisional da tripulación do Monte Real Club de Yates de Baiona (dous primeiros postos nas regatas dúas e catro do día, máis un segundo e un terceiro) e moita rasca na ría de Arousa.

De feito, dous barcos tiveron problemas: o do Real Club Náutico de Vigo, coa dobre campioa do mundo de Vaurien Alejandra Suárez á cana, rompía o temón na primeira manga e xa non volvería competir; o barco que representaba ao Vertigo Sailing de Punta Lagoa enganchábase nunha baliza e quedaba co rizón, asinando un dobre DNF nas dúas regatas iniciais e dous quintos postos despois. Houbo picos de 28 nós -baixou a 15 nas dúas últimas regatas-, con vento do 40 e un día “moi duro” para as tripulacións, segundo explicou a organización.

O Monte Real Club de Yates, primeiro líder da Regata da Muller tras catro probas moi duras
1ª Regata da Muller, Centro Galego de Vela Vilagarcía 2021

Pero o campionato foi un éxito. Catro regatas, vitorias parciais do Monte Real (Marta Liño, Cristina González, Rita Hernández e María Campos), dúas, e outras dúas do Real Club de Mar de Aguete (Claudia Sobral, Paula Fernández, Teresa González e Alejandra Peleteiro), outras dúas, que prometen unha pelexa igualada no que dure esta fase autonómica da liga Feminina. Con tripulacións de catro regatistas en cada Elliott 6 M, pecha a primeira xornada como líder o barco de Baiona (4 puntos), con Aguete igualado (4) e as regatistas do Real Club Náutico de Coruña en terceira posición. Á final nacional de xuño, tamén en Vilagarcía, só irá o campión.

As seguintes citas, o 24 de abril e o 8 e 22 de maio.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies