SOCIAL CALVARIO organizou no MARCO de Vigo unha xornada para falar de igualdade con mulleres en risco de exclusión
Aproveitando a exposición “ÉRGUETE. A pegada das nais: un berro que cambiou a sociedade”, sobre mulleres en risco de exclusión e a dobre discriminación que sofren, a Plataforma Social Calvario organizou este venres unha xornada no MARCO de Vigo.
Ás 11.00 horas no salón de actos desenvolveuse unha mesa redonda e un coloquio no que seis mulleres falaron das diferentes realidades que viviron e viven cada día.
A continuación, ás 12 horas, tivo lugar unha concentración nas escaleiras do museo.
A Plataforma Social Calvario está formada pola Asociación Érguete, Down Vigo, Afaga Alzhéimer, Arela, Secretariado Gitano, Igualarte, Párkinson Vigo, Asem, Apamp, Fundación Érguete, Biblioteca Xosé Neira Vilas, Centro Municipal de Benestar Social Rivera Atienza, e o centro social Rivera Atienza.
