Inicio Galicia A Coruña O Hospital da Coruña acolleu o acto de homenaxe aos 163 profesionais...

O Hospital da Coruña acolleu o acto de homenaxe aos 163 profesionais da Xerencia de Xestión Integrada que se xubilan

o-hospital-da-coruna-acolleu-o-acto-de-homenaxe-aos-163-profesionais-da-xerencia-de-xestion-integrada-que-se-xubilan

O conselleiro de Sanidade, Jesús Vázquez Almuiña, no salón de actos do hospital da cidade herculina, o acto de despedida dos 163 profesionais da Xerencia de Xestión Integrada da Coruña que acaban de xubilarse. A eles, o titular da carteira sanitaria do Executivo galego agradeceulles o seu traballo en aras a contribuír ao bo funcionamento do sistema sanitario e polo ben da cidadanía.

Os profesionais sanitarios, -dixo o conselleiro-, “temos a misión de contribuír a mellorar a saúde dos pacientes, garantindo, ao mesmo tempo, a sustentabilidade do sistema sanitario. Esta tarefa esixe compromiso, o compromiso de todos”. Somos, -subliñou Jesús Vázquez Almuiña-, “o servizo público máis e mellor valorado pola cidadanía. Contribuímos á súa saúde, ao seu benestar e á súa calidade de vida. Pero o Sergas é, tamén, un sistema vivo, complexo e en continuo cambio, coa necesidade constante de actualizarse, renovarse e adaptarse á realidade da sociedade á que presta servizos, que tamén é cambiante”.

Segundo sinalou o conselleiro, “dedicar toda unha carreira profesional ao coidado do paciente é un labor que desenvolvemos entre todos dende moi diferentes disciplinas. Todas as categorías son importantes. Por iso, a dedicación de profesionais da medicina, a enfermería, a administración ou o mantemento, entre outras áreas de traballo, merecen o recoñecemento de tantos anos de esforzo e entrega”.

Para rematar remarcou que “non esquecemos que os verdadeiros protagonistas do sistema sodes vos, os nosos profesionais. Os responsables do seu axeitado funcionamento e da súa mellora continúa”.

Sinalar que no acto estiveron presentes, tamén, o Xerente de Xestión Integrada da Coruña, Francisco Vilanova Fraga, e o director de Recursos Humanos do mesmo organismo, Manuel Gómez López.

- Publicidade -

ÚLTIMA REVISTA

+ VISTOS

SÍGUENOS

32FansGóstame
260SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies