Oferta para o vindeiro curso clases de música para nenos e nenas a partir dos 4 anos e sen límite de idade, contando tamén cun grupo de música para adultos
O Concello de Nigrán informa da Reunión informativa para o próximo curso da escola de música da Agrupación Musical Santiago de Parada, que segue coa matrícula aberta e será o próximo xoves 12 ás 20:00h no Centro Cultural de Parada.
A oferta desta escola de música está dirixida as nenas e nenos a partir de 4 anos e sen límite de idade, ofertando clases de Música e Movemento, Linguaxe Musical, Grupo de Adultos e clases de instrumento (vento-metal con trompeta, trompa, trombón, tuba e bombardino; vento-madeira con clarinete, saxo e frauta traveseira; e percusión sinfónica).
Para máis información o contacto é amsantiagodeparada@gmail.com 722651027.
A escola de música Santiago de Parada este curso seguirá visitando os colexios e campamentos do Concello de Nigrán, achegándolle a música a todos. Ademais, dende o Concello ofrecéuselle aos Centros escolares a posibilidade de ter clases de instrumento durante un período do curso para todo o alumnado que tivera interese de maneira gratuíta.
