Co lema “Baixo o mesmo sol” e a cor verde como nova imaxe de plena inclusión, repartiránse 2.500 globos por todo o municipio, iluminarase o Concello e a ponte de A Ramallosa e lerase un manifesto
O Concello de Nigrán e o Centro de Educación Especial Juan María de Parada celebran mañá conxuntamente o Día Internacional das Persoas con Discapacidade co obxectivo de chamar a atención da veciñanza e mobilizar apoios para aspectos clave relativos á inclusión. Así, co lema “Baixo o mesmo sol” e a cor verde como nova imaxe da plena inclusión, os usuarios do centro repartirán entre a poboación de Nigrán 2.500 globos facilitados polo Concello. Ademáis, ás 18.30 horas lerase o manifesto na Praza do Concello e a esa mesma hora iluminarase de verde a casa consistorial e a ponte románica de A Ramallosa.
“Dende o goberno traballamos coa máxima de ‘Un Nigrán para todos’, por iso este é un día especial para concienciar e sensibilizar á veciñanza sobre a igualdade de oportunidades”, sinala o rexedor, Juan González. Precisamente, Concello e Juan María comparten nesta liña un proxecto común para traballar na mellora da accesibilidade física e sensorial en diferentes espazos do municipio e con Unicef para lograr o primer recoñecemento en Galicia de “Cidade Amiga da Infancia”.
Os usuarios do Centro de Educación Especial repartirán durante todo o día os 2.500 globos, acudindo especialmente aos diferentes centros educativos e comercios locais. O obxectivo é que en cada xanela de Nigrán flote un globo verde e que se lle faga unha foto que se pode enviar ao teléfono 630774972 ou ao perfil de Facebook do Centro Juan María. Ademáis, nos colexios animarase aos nenos a que graben un vídeo cantando a favor da plena inclusión.
O Día Internacional das Persoas con Discapacidade se observa en todo o mundo cada 3 de decembro de acordo coa resolución da Asamblea Xeral da Unesco do 14 de outubro de 1992. O obxectivo desta organización é contribuir á paz, a seguridade no mundo mediante a educación, a ciencia, a cultura e as comunicacións.
