Situado a apenas 500 km do centro histórico da Vila e a 1Km da oficina de turismo, no barrio baionés da Anunciada álzase o balcón de Baiona.
Trátase dun miradoiro situado a uns 50 metros de altitude e a pesar da súa escasa altura ofrece unha vista impresionante panorámica de 180º da Real Vila e os seus arredores. Nas súas alturas pódese divisar o Monte Sansón, en cuxa cima se alza a Virxe da Roca, coas Illas Estelas e as Cíes ao fondo. A península de Monterreal obsérvase á marxe dereita da bonita estampa. Chegando tamén a divisarse Praia América, Panxón e Monteferro.
O Concello de Baiona está a acondicionar un dos tres accesos ao miradoiro, o situado na parte central. A Concellería de 
Vías e Obras está a construír unhas escaleiras en pedra que faciliten o acceso a tan singular lugar.
Desde o Concello quérese poñer en valor este peculiar enclave para que baioneses e visitantes poidan gozar deste gran descoñecido, que é o balcón na Anunciada, cuxas vistas son privilexiadas. Para iso vanse a poñer carteis indicativos que sinalicen onde se atopa o lugar. Así mesmo, a oficina de turismo da vila divulgará entre os visitantes as marabillosas panorámicas que se poden divisar desde este balcón natural, no que se pode acariñar o mar.
