O Club Baloncesto Nigrán en colaboración con Cáritas de Nigrán organiza o 1º TORNEO SOLIDARIO DE BALONCESTO que se desenvolverá no Pavillón do CPI de Panxón os días 22 e 23 de Decembro. Máis de 15 Clubs de Baloncesto de toda Galicia confirmaron xa a súa asistencia a este torneo. Arxil de Pontevedra, CB Porto do Son, Pavillón Ourense, Defensores do Morrazo, Salesianos de Vigo ,CB Redondela ou CB Salceda de Caselas, entre outros, ademais dos equipos das escolas deportivas do propio CB Nigrán, o seu equipo de iniciación e os seus equipos federados acudirán a Nigrán e encherán o Pavillón con máis de 50 equipos de básquet . Máis de 600 nenos e nenas que gozarán practicando o seu deporte favorito ao longo destas dúas xornadas que terán ademais un importante carácter solidario xa que cada un dos xogadores/as que participan no devandito torneo achegarán un alimento non perecedoiro. No acto de clausura do devandito torneo a totalidade dos alimentos recolleitos serán entregados a Cáritas Nigrán co fin de ser destinados ás familias máis necesitadas desta localidade.
A distribución das categorías realizarase da seguinte maneira:
Luns pola mañá categoría junior, pola tarde categoría Baby e Benjamín. O martes pola mañá será a quenda para a categoría Cadete e o martes pola tarde para a categoría Alevín.
Ademais dos encontros deportivos realizaranse os sorteos de varios premios entre os asistentes.
A directiva do CB Nigrán sente enormemente agradecida pola masiva resposta dos clubs convidados a este torneo e moi especialmente por tratarse dun evento cun carácter solidario ademais de deportivo e convida a todos os veciños e veciñas de Nigrán a gozar destes dous días de baloncesto e diversión.
