Inicio Vigo e área Soutomaior O Castelo de Soutomaior acolle este xoves a xornada "Profesionais pola Igualdade"...

O Castelo de Soutomaior acolle este xoves a xornada “Profesionais pola Igualdade” da Escola María Vinyals

Ángeles Álvarez, Inmaculada Montalbán, Marisa Soleto, Gloria Poyatos, Yolanda Domínguez, Rosana Izquierdo e Mª Paz Filgueira serán as relatorasO Castelo de Soutomaior acollerá este xoves a xornada “Profesionais pola Igualdade”, ao abeiro da programación da Escola de Igualdade María Vinyals, que será inaugurada pola presidenta da Deputación, Carmela Silva, e na que se darán cita as persoas máis relevantes do Estado para afondar nas políticas de igualdade e na necesidade de contar con persoal técnico para dar resposta ás mulleres que sofren as consecuencias da desigualdade.

A xornada, dirixida a persoal técnico e político do eido local, profesionais que traballan na loita pola igualdade e contra as violencias machistas e persoas interesadas en xeral, vaise centrar, por unha banda, na importancia das políticas de igualdade na actual axenda política e social, que afectan directa e indirectamente a toda a cidadanía. Por outra banda, abordaranse cuestións relativas á necesidade de contar con expertas e expertos en igualdade para analizar a problemática e propoñer medidas para a consecución da igualdade efectiva. Neste caso, reflexionarase tamén sobre a importancia de visibilizar e poñer en valor aos e ás profesionais que traballan día a día na aplicación das políticas de igualdade.

A xornada comezará ás 9.30 coa apertura a cargo da presidenta provincial e a conferencia da profesora e teórica feminista, Rosa Cobo, sobre a “Importancia e necesidade das políticas de igualdade e profesionalización”. Posteriormente, terá lugar a mesa redonda “Realidade das profesionais pola igualdade”, na que participarán Mercedes Renda e Inmaculada Sánchez.

Xa pola tarde e partir das 16.oo horas terán lugar os grupos de traballo “Profesionais pola igualdade no sector público, privado e na educación” a cargo de Celso Taboada, Marián Mur e María Álvarez Lires. A partir das 18.45 horas terá lugar a última conferencia, titulada “A igualdade na axenda política e o papel das profesionais” a cargo de Silvia Buabent, actual directora do Instituto da Muller e para a Igualdade de Oportunidades.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies