Inicio Val Miñor Nigrán Nigrán presenta ante o Bispado un proxecto para por en valor toda...

Nigrán presenta ante o Bispado un proxecto para por en valor toda a contorna do Arco Visigótico de Panxón

O investimento, de 321.000 euros, contempla construír unha rampla accesible que rodee o antigo templo, escavar a súa contorna para deixar a planta á vista ou darlle iluminación arquitectónica

O Concello de Nigrán presentou esta semana ante o Vicario Xeral da Dióceses Tui-Vigo os proxectos para por en valor toda a contorna do arco visigótico de Panxón e da Praza das Angustias de Nigrán, ambos elementos declarados Ben de Interese Cultural e propiedade da diócese. Estas cuestións xa foran trasladadas por escrito en agosto de 2018 e tratadas persoalmente en decembro nunha reunión na que o Concello acordara presentar os proxectos mencionados e que agora serán estudados dentro da propia sede episcopal que, a priori, se amosou moi favorable. Ao non tratarse de espazos de titularidade municipal, o Concello solicita ao Bispado a cesión dos mesmos co obxectivo de executar estas obras de gran interese patrimonial, etnográfico, cultural e mesmo turístico.

Nigrán presenta ante o Bispado un proxecto para por en valor toda a contorna do Arco Visigótico de PanxónActualmente as ruínas do templo de San Xoan, co seu valiosísimo ábside e arco visigótico do S. IX, permanecen protexidas mediante un enreixado que resta ao monumento todo o seu valor. O proxecto encargado polo Concello á enxeñería Nortap prevé un investimento de 321.000 euros para recuperar todo ese enclave como verdadeiro referente patrimonial do municipio e como auténtico museo ao aire libre (ao que se unirá o Castro de Chandebrito, xa en fase de escavación por parte do Concello).

Deste xeito, retómase a idea orixinal do arquitecto Antonio Palacios (autor do Templo Votivo ao seu carón) e quen  propuxera deixar ao descuberto a cimentación da planta primitiva que, se entende, é en forma de cruz grega análoga coa de Santa Comba de Bande, igrexa coñecida e admirada por arqueólogos de todo o mundo. Así, procederase a escavación da contorna para deixar a cimentación á vista e que o templo completo poida ser rodeado polo visitante a través da instalación de ramplas metálicas desmontables con tarima de madeira. Co obxectivo de que a accesibilidade sexa absoluta instalaranse na mesma varandas, ao igual que nas escaleiras que baixan ao lugar dende o Templo Votivo e que carecen delas (aquí tamén se contempla restaurar a balaustrada histórica e as propias escaleiras, moi deterioradas). O proxecto inclúe o soterramento da liña eléctrica próxima e unha nova iluminación da parcela que resalte o seu valor arquitectónico. Ademais, axardinarase a zona verde e se instalarán bancos e paneis informativos. Finalmente, dotaráselle dun novo peche perimetral sen o impacto visual e estético do actual.

O Concello tamén trasladou ao Bispado o proxecto para empedrar toda a superficie das Angustias, polo que solicitará a cesión de ambos espazo

Igualmente, o Concello presentou ao vicario xeral o proxecto para empedrar a parcela onde se atopa a igrexa das Angustias de Nigrán e onde se celebran as festas na súa honra.

Nigrán presenta ante o Bispado un proxecto para por en valor toda a contorna do Arco Visigótico de PanxónActualmente este espazo  aberto ao tránsito peonil e de vehículos ten unha pavimentación moi pouco acorde co Ben de Interés Cultural que representa o templo, polo que o Concello plantexa empedralo. O proxecto contempla combinar lousas de pedra de diferentes formatos e de adoquín, de xeito que cubran toda a superficie e potencien o seu valor. Ademais, instalaríase unha nova iluminación arquitectónica da parcela, mobiliario urbano e xardinería, incluíndo unha nova sinalización. O investimento ascendería aos 430.000 euros xa que, aproveitando a ocasión, dotaríase  ao camiño das Angustias de saneamento, sendo tamén adoquinado.

 

- Publicidade -

ÚLTIMA REVISTA

+ VISTOS

SÍGUENOS

691FansGóstame
299SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies