Inicio Val Miñor Nigrán Nigrán inaugura o seu punto limpo

Nigrán inaugura o seu punto limpo

10458960_699504726784669_1697425462921625224_oOs veciños contan dende hoxe con esta nova infraestrutura, que estará aberta ao público seis días á semana, en horario de mañá e de tarde.

Situada tras a Estación Depuradora de Augas Residuais no ámbito da Camasella, esta instalación dota a Nigrán de 28 novos colectores e un almacén para residuos de aparatos eléctricos e electrónicos, que contribuirá ao coidado e protección ambiental do ámbito, ao facilitar o correcto depósito dos residuos xerados no fogar ao tempo que axuda a eliminar posibles puntos de verteduras incontroladas

O alcalde de Nigrán, Alberto Valverde, acompañado pola máxima responsable da CMATI, Ethel Vázquez, a delegada da Xunta de Galicia en Vigo, María José Bravo Bosch, e outros membros do goberno municipal, presidiu a inauguración do punto limpo, unha infraestrutura que ten como obxectivo fundamental poñer a disposición dos veciños de Nigrán un espazo para o depósito voluntario de residuos que non poden ser eliminados por medio dos servizos convencionais de recollida de lixo, “ben polo seu tamaño ou pola súa composición”, apuntou o rexedor.

Na súa intervención, Ethel Vázquez subliñou “a importancia da posta en marcha desta infraestrutura, moderna e axeitada para este tipo de residuos e na que a Xunta investiu preto de 300.000 euros”. A Conselleira tamén quixo agradecer o esforzo que fan os cidadáns facendo unha separación axeitada dos residuos.1531983_699504643451344_7511055835016970451_o

28 colectores e un almacén.
O novo punto limpo de Nigrán conta cun almacén para residuos de aparatos eléctricos e electrónicos (RAAES) e 28 colectores para residuos comúns e especiais, susceptibles de ser reciclados ou reutilizado, ou ben que polas súas características deben ser tratados e xestionados en cumprimento coa lexislación vixente.
Entre eles encontrámonos con sete colectores abertos de 20 metros cúbicos para madeira, metais, restos de obra e do fogar, cascotes, voluminosos e plástico; un colector metálico de roupa, de 3 metros cúbicos; un colector metálico para cartón, de 3 metros cúbicos; un colector tipo iglú para papel, de 2.500 litros; un colector tipo iglú para vidro, de 2.500 litros; e un colector tipo iglú para envases, de 2.500 litros.

Tamén se poderán depositar residuos especiais e perigosos, nos colectores destinados a tal fin, entre os que figuran un colector de dobre casco de cor negra para disolventes, de 600 litros; un colector de dobre casco de cor verde para aceites minerais, de 600 litros; un colector de dobre casco de cor laranxa para aceites vexetais, de 600 litros; dous bidóns para pilas, de 20 litros; dous colectores para fluorescentes, de 1.400 litros; dous colectores para baterías, de 610 litros; dous colectores para residuos perigosos, de 300 litros; un colector para vidro plano, de 1.100 litros; un colector para aerosois, de 240 litros; e un colector para radiografías, de 240 litros.

Horario de apertura
A infraestrutura será xestionada con persoal municipal, e arranca a súa actividade cun horario de apertura ao público de luns a venres de 16.00 a 19.00 horas e venres e sábado en horario de 10.00 a 14.00 horas. Valverde xustificou a amplitude do horario de apertura atendendo á época estival, na que Nigrán triplica a súa poboación, e ao comezo da súa actividade, polo que, “de momento, o punto limpo abrirá seis días á semana, en horario de mañá e de tarde, co fin de facilitar o máximo posible o seu uso a todos os veciños do municipio”10496944_699503526784789_2857029805297739320_o

O alcalde agradeceu o esforzo realizado pola Xunta de Galicia, administración que asumiu o financiamento desta actuación por valor de máis de 300.000 euros, “á conselleira actual, Ethel Vázquez, e de forma especial ao seu predecesor, Agustín Hernández, con quen iniciamos as xestións necesarias para estar hoxe aquí inaugurando esta magnífica e necesaria infraestrutura”, engadiu.

En relación ao camiño de acceso ao punto limpo, o alcalde avanzou que “dende o concello se están a realizar os trámites oportunos para resolver de forma definitiva a situación de alegalidad do acceso a dúas infraestruturas importantes para Nigrán”, concluíu.

- Publicidade -

ÚLTIMA REVISTA

+ VISTOS

SÍGUENOS

691FansGóstame
299SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies