O Concello de Nigrán inaugura este mércores 10 de xullo ás 19:00 horas a nova praza pública que comunica a Ponte Románica da Ramallosa e a Avenida de Portugal (PO- 340), aos pés do Río Miñor, co concerto de ‘Tugores’ en homenaxe a Mark Knopfler. ‘Tugores’ é o proxecto musical do guitarrista e compositor mallorquino Jaume Tugores, quen estará acompañado por David González ao saxo e Biel Fiol ao cello.
Mark Knopfler, lider de Dire Straits que cumpre 75 anos, foi o guitarrista que motivou a Jaume Tugores a aprender a tocar a guitarra hai xa máis de 35 anos. Para homenaxealo, Tugores compuxo unha peza adicada a el e gravada con este trío, o tema titúlase “The sound of embrace”. Anteriormente, no 2008, Tugores publicou o seu cuarto disco ‘Imaxes de Knopfler’ versionando as bandas sonoras de Knopfler con guitarra clásica e percusión. Neste concerto, ademais, tocaranse algunhas pezas craves da súa discografía.
Praza da Ponte da Ramallosa
As obras emprendidas polo Concello de Nigrán permitiron dar un xiro radical nesta contorna de gran valor patrimonial, natural e etnolóxica para que agora sexa unha zona senlleira de pausa e descanso no Camiño.
Con este fin, o Concello investíu 114.726 € a cargo do Plan Concellos 2022 da Deputación de Pontevedra. A actuación supuxo unha mellora no pavimento térreo existente e a creación dunha zona empedrada únicamente para o acceso dos vehículos aos garaxes actuais.
O resto do lugar destinouse únicamente para os peóns, que contan cun itineario de adoquinado en granito moreno acompañado de mobiliario urbano de deseño sinxelo que se integra na praza de xeito amable
