As xornadas, financiadas polo Fondo Social Europeo e a Secretaría Xeral de Igualdade, versarán nesta edición sobre a adolescencia, a violencia e as novas tecnoloxías
Con motivo da conmemoración do Día Internacional para a Erradicación da Violencia de Xénero, o Concello de Nigrán organiza as III Xornadas sobre Violencia de Xénero “Adolescencia, violencia e novas tecnoloxías”, unha iniciativa posta en marcha por o goberno municipal, cofinanciada polo Fondo Social Europeo e a Secretaría Xeral da Igualdade, que este ano chegan a súa terceira edición.
Tradicionalmente, os estudos referidos á violencia de xénero concentraronse de xeito casi exclusivo nas parellas adultas. Cando a literatura científica comezou a interesarse polas parellas máis novas, a vinculación con estos estudos resultou automática, considerando que a violencia en parellas adolescentes era o mesmo fenómeno. Sen embargo, algúns autores comezaron a plantexar a necesidade de realizar estudos dirixidos explícitamente a este fenómeno, na medida na que a dinámica que se establece entre parellas adultas non é a mesma que a dinámica noivo-noiva das parellas máis novas.
Este fenómeno é coñecido na literatura internacional como “dating violence” ou “dating aggression”, aínda que a literatura nacional optou por utilizar términos como violencia/agresividade nas relación de noivado ou nas relacións sentimentais adolescentes.
As novas tecnoloxías
Debido á utilización das novas tecnoloxías na sociedade da información e o coñecemento están xurdindo novas formas de exercer violencia de xénero.
No ano 2013 foron presentados dous estudos promovidos pola Delegación do Goberno para a Violencia de Xénero. “El ciberacoso como forma de ejercer violencia en la juventud: un riesgo en la sociedad de la información y del conocimiento” e “La evolución de la adolescencia española sobre la igualdad y la prevención de la violencia de género”, nos que se profundizaba na violencia de xénero na xuventude e as novas tecnoloxías.
Algúns dos datos extraídos de ambos estudos revelan que o 28% de mozos e mozas non consideran conducta de risco responder a unha mensaxe no que lle insultan. O 49,4% dos mozos e o 26,2% das mozas non consideran moi ou bastante perigoso queder con outro mozo ou moza que coñeceron por internet.
O 25% das mozas e o 53% dos mozos non consideran moi ou bastante perigoso responder a unha mensaxe no que alguén que non coñece lle ofrece cousas. O 4,9% das mozas e o 16,1% dos mozos non consideran moi ou bastante perigoso colgar unha foto de carácter sexual, conducta que recoñecen haber realizado en dúas o máis ocasións o 1,1% das mozas e o 2,2% dos mozos.
No ámbito territorial galego, un recente estudo sobre o uso das novas tecnoloxías da mocidade galega, publicado o pasado mes de setembro e elaborado pola Xunta de Galicia, o Valedor do Pobo e a Universidade de Santiago de Compostela revela datos similares. Un 31,4% dos adolescentes galegos admiten ter contactado con descoñecidos a través de internet, e un de cada dez revela que quedou con persoas as que coñece exclusivamente a través da rede.
Estos datos foron o punto de partida para a organización de estas xornadas coa finalidade de darlle visibilidade na contorna da conmemoración do día internacional para a erradicación da violencia de xénero.
As xornadas
As xornadas están estructuradas en cinco ponencias nas que participarán Yolanda Rodríquez Castro, cuxa ponencia abordará o marco conceptual da violencia de xénero en parellas adolescentes; Patricia Alonso Ruido, que profundizará nunha das prácticas de risco, o “sexting”; Pablo Grande Seara, que abordará a problemática dende o ámbito xurídico; Antonio Rial Boubeta, profesor da Universidade de Santiago de Compostela e coordinador do estudo elaborado en Galicia, que exporá os resultados do estudo centrados no ámbito da violencia de xénero; e, por último, Carmen Barreiro Couto, membro do grupo de traballo sobre a adolescencia e novas tecnoloxías promovido polo Valedor do Pobo, que abordará as estratexias de intervención.
As xornadas desenvolveranse os días 5 e 6 de novembro en horario de tarde no Salón de Actos Municipal, rematando o prazo de inscrición na víspera das xornadas, o día 4 de novembro. Para máis información as persoas interesadas poden dirixirse ao Centro de Información ás Mulleres no teléfono 986 383 081, no correo electrónico cim@nigran.org ou a través da páxina Web www.nigran.org.