O Monte Real Club de Yates cumpre este martes medio século de vida fomentando o turismo náutico internacional e a organización de regatas
Desde o seu nacemento, o 24 de marzo de 1965, o club baionés protagonizou algúns dos capítulos máis importantes da historia da vela en España
O Monte Real celebra as súas vodas de ouro cunha destacada ausencia, a do seu emblemático presidente Don Rafael Olmedo, falecido o pasado mes de febreiro
O Monte Real Club de Yates cumpre este martes medio século de vida fomentando o turismo náutico internacional e a organización de regatas.
Desde o seu nacemento, o 24 de marzo de 1965, o club baionés protagonizou algúns dos capítulos máis importantes da historia da vela, o que lle permitiu converterse en referente indiscutible deste deporte en España.
Foi coa Regata do Descubrimento, en 1972, coa que o club empezou a soar con forza no panorama náutico. Chegarían despois varias edicións da Lymington-Baiona, campionatos de Europa e do Mundo, e numerosas regatas internacionais de Match Race de grao uno, nas que participaron os mellores patróns a nivel mundial.
Pero foi sen dúbida o desafío á Copa América, presentado en 1989, o que catapultó ao Monte Real Club de Iates. A competición máis prestixiosa do mundo tería, por fin, un representante español. En 1992 España acudía por vez primeira á Copa América, unha fazaña que o club baionés repetiría en dúas ocasións máis, en 1995 e 2000.
Na actualidade, o Monte Real é mundialmente coñecido por dous das súas regatas, que casualmente tamén están de aniversario neste 2015. Son o Trofeo Príncipe de Asturias e o Trofeo Conde de Gondomar, que cumpren 30 e 40 anos respectivamente.
Uns aniversarios que o club baionés celebrará cunha destacada ausencia, a do seu emblemático presidente Don Rafael Olmedo, falecido o pasado mes de febreiro aos 99 anos de idade tras máis de 40 anos á fronte da institución.
