Onte foi a estrea da Orquestra Sinfónica Eurorrexional Galicia Norte Portugal e con este motivo o IKFEM Festival Tui-Valença conseguiu reunir a medio centenar de autoridades locais, rexionais, autonómicas, nacionais e da Unión Europea encabezada pola comisaria europea de cohesión, Elisa Ferreira. Este evento tivo lugar en Valença, unha das cidades que, xunto a Tui, conforman a Eurocidade e é unha exemplo real da cooperación transfronteiriza entre Galicia e o norte de Portugal.
A presenza da comisaria europea para a Cohesión, Elisa Ferreira (foto), no primeiro concerto da Orquestra Sinfónica Eurorrexión Galicia-Norte Portugal demostra o compromiso da Comisión Europea coa cultura como panca para o desenvolvemento da Eurorrexión Galicia-Norte de Portugal. O encontro propiciou un diálogo entre os distintos xestores públicos desta rexión europea coa máxima responsable da comisión na materia.
O Goberno Central ha estado representado por Rafael Ivorra, subdirector de relacións institucionais e da Unión Europea do Ministerio de Cultura. É, de feito esta entidade a que participa como colaboradora no concerto de Radio Televisión Española e a pianista portuguesa, Marta Menezes, que terá lugar en setembro en Valença como homenaxe aos 50 anos da Revolución dos Caraveis.
O presidente da deputación de Pontevedra, Luis López tamén estivo presente como colaborador na constitución da Orquestra Sinfónica Eurorrexión ( OSE), conformada como xa se informou en notas anteriores, por músicos novos portugueses e galegos de 26 municipios da raia.
O presidente da Deputación sinalou ao festival Ikfem como o “símbolo da cooperación transfronteiriza para impulsar a cultura, o turismo e a economía na provincia e o norte de Portugal.”
Por parte da Xunta de Galicia, asistiron a conselleira de Vivenda e Planificación de Infraestruturas, María Martínez Allegue. O alcalde de Tui, Enrique Cabaleiro, así como membros do seu equipo de goberno tamén acudiron á cita.
De igual maneira houbo representación da AECT, que hoxe 20 de xullo, fará entrega do seu Premio Talento ao mellor proxecto seleccionado da Mostra Creativa que terá lugar na Ponte Internacional de Tui-Valença durante todo o día e que rematará co concerto no Teatro Municipal de Tui dos artistas Chano Domínguez e Mario Laginha.
Portugal, pola súa banda, estivo representado por Antonio Cunha, presidente dá Comissao de Coodenaçao e Desenvolvemento Rexional do Norte e polo presidente da Cámara Municipal de Valença, José Manuel Carpinteira.
Despois deste encontro a Comisaria europea, alcaldes e demais autoridades asistiron ao primeiro concerto da Orquestra Sinfónica Eurorrexión (OUSE) titulado, “70 Voltas ao Sol”, de Jorge Palma, baixo a dirección de Cesário Costa. Unha celebración musical creada desde e para a obra dun dos máis grandes compositores e intérpretes que deu a escena musical portuguesa.
A OSE é unha iniciativa que nace nesta 12ª edición do IKFEM Festival Tui-Valença inspirada na Orquestra Western Easter-Divan. Pretende defender os valores de cohesión social e convivencia a través da linguaxe universal da música. Mediante talleres orquestrais promóvese un obxectivo común: crear música, o que permite fortalecer os lazos entre ambas as culturas, ademais de fomentar a igualdade de xénero e oportunidades, a inclusión e o reequilibrio territorial.
Esta agrupación musical, única pola súa configuración, contou co apoio da Deputación de Pontevedra, a Consellería de Educación da Xunta, Ciencia, Universidades e Formación Profesional da Xunta de Galicia, o Comisariado da Academia de Música Fortaleza de Valença e o Conservatorio Profesional de Música de Tui.
IKFEM Festival Tui-Valença
O festival Ikfem comezou o pasado mércores co concerto dos músicos lusos Salvador Sobral e Marco Mezquida e continou o xoves coa actuación de María Hinojosa e o Trío Preseli. A programación continuo este venres coa cita na emblemática fortaleza de Valença do Minho, que serviu para celebrar o 70 aniversario de Jorge Palma, un dos compositores e pianistas máis importantes de Portugal; e a estrea da Orquestra Sinfónica Eurorrexión Galicia-Norte de Portugal, unha agrupación musical impulsada este ano polo Ikfem que está composta músicos de 26 municipios de ambos os dous territorios. Trátase dun proxecto cultural transfronteirizo que conta cunha apoio da Deputación de 30.000 euros.
A duodécima edición deste festival continuará coa súa programación ao longo de toda a fin de semana, cunha xornada de dez horas na icónica ponte de ferro que conecta as dúas cidades na que se exporá ao público o mellor da cultura, da música, da materia prima e da gastronomía dos concellos que dan forma a esta eurorrexión.
