Inicio Vigo e área Redondela Galiza Branco e Negro, exposición colectiva de fotografía no Multiusos de Redondela

Galiza Branco e Negro, exposición colectiva de fotografía no Multiusos de Redondela

A Sala I de exposicións do Multiúsos da Xunqueira acolle dende o sábado 1 de novembro, a exposición colectiva de fotografía Galiza Branco e Negro.

 Galiza Branco e Negro, exposición colectiva de fotografía no Multiusos de RedondelaTrátase dun proxecto no que participan 40 autores galegos, algúns profesionais e outros afeccionados á fotografía, aglutinados arredor dun grupo que se creou na rede social Facebook e no Flickr, onde comparten experiencias, fotografías e vivencias da rede e de diferentes xuntanzas. A partir dese nexo de unión decidiron reunir unha colección das obras máis representativas do colectivo co fin de pasalas ao papel e organizar unha exposición colectiva itinerante por toda a xeografía galega e tamén alén Miño.

A súa paixón común, a fotografía, lévaos a experimentar co procesado en branco e negro. Son fotógrafos, algúns profesionais e moitos deles afeccionados, que comparten inquedanzas e imaxes. Formaron no ano 2009 o grupo Galiza Branco e Negro (Galiza B/N), un colectivo que foi medrando tanto en número de membros como na calidade das obras compartidas.O fundamento da fotografía en branco e negro está en centrar a mirada na imaxe, é a esencia da imaxe a que ten o protagonismo. Na exposición hai fotografías de todo tipo e case a metade son instantáneas onde prima o factor humano, hai un presenza importante da persoa, e a visión céntrase na propia imaxe, sen adobíos nin distraccións.

A temática é libre, e a única característica común a todas elas é que son en branco e negro.

Poderase visitar no horario habitual de apertura do Multiúsos da Xunqueira, do 1 ao 30 de novembro de 2014.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies