spot_img
InicioGalicia'Espazos Sonoros', un convite para vivir con música o noso patrimonio

‘Espazos Sonoros’, un convite para vivir con música o noso patrimonio

espazos-sonoros-un-convite-para-vivir-con-musica-o-noso-patrimonioSon numerosos os seguidores e as seguidoras de Espazos Sonoros que devecen pola chegada deste ciclo para percorreren o territorio galego á descuberta do patrimonio e da boa música. Xa está aquí a novena edición!

Chegou Espazos Sonoros. Do 3 de setembro ao 18 de outubro, a música, a arquitectura e a paisaxe volven ser os protagonistas de Espazos Sonoros, que este ano propón un achegamento a edificacións patrimoniais, civís e relixiosas, nas que soarán ao vivo agrupacións galegas e internacionais de estilos e procedencias diversas, como o Ensemble Gilles Binchois, Le Miroir de Musique,La Xácara , Tres Pesos, Solo Voces con Adrián Regueiro na xa habitual Rolda pola paisaxe dos órganos históricos, ou a pianistaPaula Ríos , que recupera para a ocasión a obra para piano de Rosa García Ascot e Xesús Bal y Gay.

Ademais destes concertos únicos, Espazos Sonoros propón un conxunto de actividades que inclúen andainas e obradoiros para achegarnos, a través de experiencias participativas, ao patrimonio cultural de Galicia. Toda unha programación que aposta, un ano máis, por crear espazos para esoutras músicas con menor presenza, pero de alta calidade, e difundir dun xeito único un patrimonio cultural, aínda descoñecido.

Consultade os concertos, andainas, visitas guiadas e obradoiros na Axenda de Cultura de Galicia! Lembrade que todos son de balde pero que algunhas actividades requiren inscrición previa.espazos-sonoros-un-convite-para-vivir-con-musica-o-noso-patrimonio

 

 

 

 

- Publicidade -spot_img