A rede de museos municipais iniciou o pasado mércores as “Tardes no museo”, unha xornada para achegar a familias e ao público en xeral ás exposicións temporais e ás coleccións permanentes da rede.
Celebrarase cada tarde de mércores; a primeira visita foi na Pinacoteca, e permitirá coñecer os diferentes museos municipais.
“Tardes no museo’ enmárcase no programa. educativo da área museística e contempla 465 accións para nenas e nenos de Educación Infantil, Primaria e Secundaria: visitas guiadas, itinerarios temáticos, talleres, arqueoloxía experimental, contacontos… Está dotado cun importe anual de 50.000 euros.
