Inicio Pontevedra Deporte, lecer infantil e cultura para celebrar o Día das Letras Galegas...

Deporte, lecer infantil e cultura para celebrar o Día das Letras Galegas en Nigrán

Concello Nigrán (Copiar)Nigrán celebrará o Día das Letras Galegas cun día maratoniano cheo de deporte, cultura e lecer infantil ao longo de toda a xornada do próximo domingo. A XVII Festa da Bici dará o pistoletazo de saída, que convoca aos veciños de Nigrán ás 10.00 horas na Praza do Concello, para saír dirección Baiona, anfitrioa desta edición da festividade miñorana.

A cultura chegará a medio día (12.00 horas) ao Salón de Actos Municipal, cun concerto de música tradicional galega e leonesa, que contará coa participación do grupo de pandereteiras A Buxaina e o grupo da Escola de Folclore do Concello de León.

A partir das 17.00 horas, a Praza do Concello transformarase unha vez máis nun espazo de lecer para os máis pequenos, coa celebración dunha festa infantil na que haberá inchables, xogos xigantes tradicionais e unha batucada a cargo da banda “Trópico de Grelos”. A Coral Polifónica Novos Aires Nigrán pechará a xornada, cunha actuación ás 20.00 horas no Salón de Actos Municipal.

Feira local de artesanía
A esta programación súmase I Feira Local de Artesanía, que se instalará os días 16 e 17 de maio na Praza do Concello o sábado a partir das 17.00 horas e o domingo todo o día, unha mostra de produtos artesanais elaborados por veciñas do municipio.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies