Inicio Galicia Conde destaca a unidade mixta Esteve-USC como exemplo da colaboración público-privada para...

Conde destaca a unidade mixta Esteve-USC como exemplo da colaboración público-privada para situar Galicia á vangarda da innovación sanitaria

O conselleiro de Economía e Industria salienta que o proxecto impulsado pola Xunta mobilizará un investimento de 3 millóns de euros durante 3 anos, creando 30 empregos de alta cualificación

Xunta investimento emprego calidadeO conselleiro de Economía e Industria, Francisco Conde, destacou hoxe a unidade mixta que forman os Laboratorios Esteve a o Grupo BioFarma da USC como exemplo da colaboración público-privada que, co respaldo da Xunta, busca situar a Galicia á vangarda da innovación sanitaria. Conde visitou a sede da unidade, situada no Centro Singular de Investigación en Medicina Molecular e Enfermidades Crónicas (CIMUS) do Campus Vida, e salientou que a iniciativa mobilizará un investimento de 3 millóns de euros durante 3 anos, creando 30 empregos de alta cualificación para buscar o desenvolvemento de novos fármacos para o tratamento da dor crónica.
O proxecto se enmarca dentro do programa de Unidades Mixtas que a Consellería puxo en marcha a través da Axencia Galega de Innovación, e que ten como obxectivo captar o investimento de grandes empresas para a creación de centros de innovación na comunidade. A primeira convocatoria, da que forma parte o proxecto de Esteve e a USC, puxo en marcha oito proxectos que están a mobilizar 20 millóns de euros, e que contan coa participación de empresas como PSA , Gas Natural, ou Repsol, empresas que, destacou Conde, “están apostando por desenvolver os seus centros de innovación en Galicia”.

O conselleiro resaltou a unidade mixta de Esteve e como “un proxecto que consolida unha das relacións máis frutíferas da innovación galega: a que une aos doutores Antoni Esteve e Mabel Loza, que é o mesmo que dicir á que une a Laboratorios Esteve coa USC”. Co impulso a esa colaboración, subliñou Conde, Galicia consigue un cuádruple obxectivo: reforza a súa alianza cunha multinacional de máis de 2.500 empregados, dos que preto de 300 son investigadores; potencia a actividade dun dos seus mellores talentos, Mabel Loza, que exerce de tractor para a innovación a nivel local; impulsa a creación de medicamentos máis seguros e eficaces, “facendo un servizo á sociedade”; e acada un impacto económico elevado, grazas á creación de emprego de alta cualificación, á propiedade intelectual que xeren estas investigacións e á transferenza de coñecemento ao mercado.

Conde subliñou que a Xunta continuará a traballar na colaboración público-privada para impulsar a innovación sanitaria, e neste senso avanzou que debido ao éxito da convocatoria de Unidades Mixtas na que participan Esteve e a USC; e o interese amosado por máis de quince grandes empresas por instalar centros de innovación en Galicia, a Xunta puxo en marcha unha nova convocatoria de Unidades Mixtas aberta ata o próximo día 23 e dotada con 9 millóns de euros.

Ademais, ao impacto das Unidades Mixtas no eido da saúde, se lle suman outras iniciativas da Consellería no eido sanitario. En concreto, o Goberno galego está a mobilizar outros 50 millóns de euros en este sector grazas aos programas Innterconecta e Conecta Pemes. E, de cara ao futuro, a saúde supón o reto 3 da Estratexia de Especialización Intelixente de Galicia, que mobilizará 1.600 millóns de euros en proxectos innovadores ata 2020, impulsando así de forma clave a innovación sanitaria.

 

- Publicidade -

ÚLTIMA REVISTA

+ VISTOS

SÍGUENOS

680FansGóstame
290SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies